ଜୟପୁର: ଭାରତୀୟ ବାୟୁସେନାର ଯୁଦ୍ଧ ବିମାନ ମିଗ-୨୧ ଆଜି ରାଜସ୍ଥାନର ସୁରତଗଡ଼ ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ମଙ୍ଗଳବାର ସନ୍ଧ୍ୟାରେ ଯୁଦ୍ଧ ବିମାନ କ୍ରାଶ ହୋଇଥିଲେ ହେଁ ଏହା ମଧ୍ୟରେ ଥିବା ପାଇଲଟ ଜଣଙ୍କ ଅଳ୍ପକେ ରକ୍ଷା ପାଇଯାଇଛନ୍ତି। ତେବେ ଦୁର୍ଘଟଣା ପରେ ବିମାନଟି ସଂପୂର୍ଣ୍ଣ ଭାବେ ଧ୍ୱଂସ ହୋଇଯାଇଛି।
ବାୟୁସେନା ପକ୍ଷରୁ କୁହାଯାଇଛି ଯେ ଆଜି ଟ୍ରେନିଂ ପାଇଁ ମିଗ-୨୧ ବିସନ ଯୁଦ୍ଧ ବିମାନଟି ସନ୍ଧ୍ୟାରେ ଉଡ଼ାଣ ଭରିଥିଲା। ତେବେ ଉଡ଼ାଣର କିଛି ସମୟ ପରେ ଏହା ସୁରତଗଡ଼ ନିକଟରେ ଟେକ୍ନିକାଲ ସମସ୍ୟାର ସମ୍ମୁଖୀନ ହୋଇଥିଲା। କେହି କିଛି ବୁଝିବା ଆଗରୁ ଏହା ତଳକୁ ଖସିବା ଆରମ୍ଭ କରିଥିଲା।
ଏହା ଦେଖି ପାଇଲଟ ଜଣଙ୍କ ଆକାଶ ଛତା ଦ୍ୱାରା ବିମାନରୁ ବାହାରକୁ ଚାଲି ଆସିଥିଲେ। ହେଲେ ବିମାନଟି ତଳେ ପଡ଼ି ସଂପୂର୍ଣ୍ଣ ଧ୍ୱଂସ ହୋଇଯାଇଥିଲା। ଏବେ ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି। ଘଟଣାରେ କୌଣସି ପ୍ରକାରର ଜୀବନହାନୀ ଘଟିନାହିଁ ବୋଲି ବାୟୁସେନା ପକ୍ଷରୁ କୁହାଯାଇଛି।
During a training sortie in the western sector, a MiG-21 Bison aircraft experienced a major technical malfunction this evening. The pilot ejected safely at about 2015 hrs. There is no loss of life. An Court of Inquiry has been ordered to ascertain the cause of the accident.
— Indian Air Force (@IAF_MCC) January 5, 2021
୨୦୧୯ରେ ମଧ୍ୟ ମିଗ-୨୧ ବିସନ ରାଜସ୍ଥାନର ବିକେନାର ଠାରେ କ୍ରାଶ ହୋଇଥିଲା। ଟେକ ଅପ ପରେ ବିମାନରେ ଗୋଟିଏ ପକ୍ଷୀ ମାଡ଼ ହେବାକୁ ଏହା ଦୁର୍ଘଟଣା ଗ୍ରସ୍ତ ହୋଇଥିବା ଜଣାପଡ଼ିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।