ଲକ୍ଷ୍ନୌ: ୟୁପିରେ ଯାଦବ ପରିବାରରେ ଉଠିଥିବା ଝଡ଼ ଥିମିବାର ନାଁ ନେଉ ନ ଥିବା ବେଳେ ସମାଜବାଦୀ ପାର୍ଟି ମୁଖ୍ୟ ମୁଲାୟମ ସିଂହ ଯାଦବ ବିହାର ଦୁଇ ପ୍ରମୁଖ ନେତା ଲାଲୁ ପ୍ରସାଦ ଯାଦବ ଓ ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ନଭେମ୍ବର ୫ ତାରିଖରେ ଲକ୍ଷ୍ନୌ ଆସିବାକୁ ଆମନ୍ତ୍ରଣ କରିଛନ୍ତି। ସେହି ଦିନ ସମାଜବାଦୀ ପାର୍ଟି ତା’ର ରୌପ୍ୟ ଜୟନ୍ତୀ ପାଳନ କରିବ। ସେହି ଉତ୍ସବରେ ଯୋଗ ଦେବା ପାଇଁ ମୁଲାୟମ ଏହି ଦୁଇ ନେତାଙ୍କୁ ଆମନ୍ତ୍ରଣ କରିଛନ୍ତି। ତାଙ୍କ ନିମନ୍ତ୍ରଣକୁ ଲାଲୁ ଓ ନୀତିଶ ସ୍ୱୀକାର ମଧ୍ୟ କରିଛନ୍ତି। ତେବେ ଛଟ୍ ପର୍ବ ଯୋଗୁଁ ଦୁଇ ଜଣ ଯାକ ନେତା ଏହି ଉତ୍ସବରେ ଯୋଗ ଦେବେ କି ନାହିଁ ସେ ନେଇ ଟିକେ ଦ୍ୱନ୍ଦ୍ୱରେ ଥିବା ଜଣାପଡ଼ିଛି।
ଆଗକୁ ଉତ୍ତର ପ୍ରଦେଶ ବିଧାନସଭା ନିର୍ବାଚନ ଅଛି। ଏଭଳି ଏକ ସମୟରେ ଯାଦବ ପରିବାରେ ମତାନ୍ତର ତୀବ୍ର ରୂପ ଧାରଣ କରିଥିବାରୁ ଏହାର ଫାଇଦା ବିଜେପି ଯେଭଳି ନେଇ ନ ପାରିବ ସେଥିପାଇଁ ମୁଲାୟମ ସିଂହ ଉଦ୍ୟମ ଆରମ୍ଭ କରି ଦେଇଛନ୍ତି ବୋଲି ଏହି ଆମନ୍ତ୍ରଣରୁ ଜଣାପଡୁଛି। ଲାଲୁ ଓ ନୀତିଶଙ୍କୁ ଆମନ୍ତ୍ରଣ କରି ମୁଲାୟମ ପୁଣି ଥରେ ପୁରୁଣା ସମାଜବାଦୀ ଚିନ୍ତାଧାରା ନେତାଙ୍କୁ ଏକାଠି କରିବାକୁ ଉଦ୍ୟମ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
