ମୁମ୍ୱାଇ: କରୋନା ମହାମାରୀ ମଧ୍ୟରେ ସୋମବାର ଠାରୁ ମୁମ୍ବାଇରେ ରେଳ ସେବା ଆରମ୍ଭ ହୋଇଛି। ରାଜ୍ୟ ସରକାରଙ୍କ ଦ୍ୱାରା ଅନୁମୋଦନ ପ୍ରାପ୍ତ ଜରୁରୀ ସେବାରେ ନିୟୋଜିତ କର୍ମଚାରୀଙ୍କ ପାଇଁ ସେଣ୍ଟ୍ରାଲ୍ ରେଲୱେ ଏବଂ ୱେଷ୍ଟର୍ନ ରେଲୱେ ଟ୍ରେନ ଚଳାଚଳ ଆରମ୍ଭ କରିଛି। ଟ୍ରେନରେ ଯାତ୍ରା କରୁଥିବା ଲୋକମାନେ ମାସ୍କ ପିନ୍ଧିବେ ଓ ସାନିଟାଇଜର ବ୍ୟବହାର କରିବା ବାଧ୍ୟତାମୂଳକ କରାଯାଇଛି।
ସେହିପରି ସାମାଜିକ ଦୂରତା ନିୟମକୁ ମଧ୍ୟ ପାଳନ କରାଯାଉଛି। ଏହାର ଅର୍ଥ ପୂର୍ବରୁ ୧୨ଶହ ଲୋକ ଟ୍ରେନରେ ଯାଉଥିବା ବେଳେ ଏବେ ମାତ୍ର ୭୦୦ ଲୋକଙ୍କୁ ଗୋଟିଏ ଥରରେ ଯିବା ପାଇଁ ଅନୁମତି ମିଳିବ।
ଆଜିଠାରୁ ୭୩ଟି ସ୍ଥାନ ସହ ଭାଇରର ଏବଂ ଡାହାନୁ ରୋଡ ମଧ୍ୟରେ ଆଠ ଯୋଡ଼ା ଟ୍ରେନ ଚଳାଚଳ ଆରମ୍ଭ ହୋଇଛି। ଏହା ସହିତ ଚର୍ଚ୍ଚଗେଟ୍ ଓ ଭାଇରର ମଧ୍ୟରେ ସର୍ବାଧିକ ଟ୍ରେନ ଚାଲିବ ବୋଲି ଜଣାପଡ଼ିଛି। ଏହି ଟ୍ରେନ୍ ଗୁଡ଼ିକ ସକାଳ ୫ଟା ୩୦ରୁ ରାତି ୧୧.୩୦ ମଧ୍ୟରେ ପ୍ରତି ୧୫ ମିନିଟ୍ ବ୍ୟବଧାନରେ ଚଳାଚଳ କରିବ।
କେନ୍ଦ୍ରୀୟ ରେଳବାଇର ପ୍ରାୟ ୨୦୦ଟି ଟ୍ରେନ ଚଳାଚଳ ଆରମ୍ଭ କରିଛି। ଏହା ମଧ୍ୟରୁ ପ୍ରାୟ ୧୩୦ଟି ଟ୍ରେନ ସିଏସଏମଟି ଓ କସରା/ କରଜାଟ/କଲ୍ୟାଣ/ଥାନେ ମଧ୍ୟରେ ଚଳାଚଳ କରିବ। ଅବଶିଷ୍ଟ ଟ୍ରେନଗୁଡ଼ିକ ସିଏସଏମଟି ଓ ପାନଭେଲ ମଧ୍ୟରେ ଚାଲିବ। ଏହି ଟ୍ରେନ୍ ଗୁଡ଼ିକ କେବଳ ପ୍ରମୁଖ ଷ୍ଟେସନରେ ହିଁ ଅଟକିବ।
ସୂଚନାଯୋଗ୍ୟ, କରୋନା ସଂକ୍ରମଣକୁ ରୋକିବା ପାଇଁ ମାର୍ଚ୍ଚ ମାସରୁ ହିଁ ମୁମ୍ବାଇର ଲାଇଫଲାଇନ କୁହାଯାଉଥିବା ଲୋକାଲ ଟ୍ରେନ ଚଳାଚଳ ବନ୍ଦ ରହିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
