ଚଣ୍ଡୀଗଡ଼: ପଞ୍ଜାବର ନାଭା ଜେଲ୍ରେ ଆଜି ଭୋର ସମୟରେ ୧୦ ସଶସ୍ତ୍ର ଦୁର୍ବୃତ୍ତ ଆକ୍ରମଣ କରି ଜଣେ ଆତଙ୍କବାଦୀ ସମେତ ୫ ଜଣଙ୍କୁ ଖସାଇ ନେଇଛନ୍ତି। ଖସି ପଳାଇଥିବା ଅପରାଧୀଙ୍କ ମଧ୍ୟରେ ଖଲିସ୍ତାନ ଲିବରେସନ ଫୋର୍ସ (କେଏଲ୍ଏଫ୍)ର ମୁଖ୍ୟ ହରମିନ୍ଦର ସିଂହ ମିଣ୍ଟୁ ଅଛନ୍ତି।
ଏହି ଘଟଣା ପରେ ଅଞ୍ଚଳରେ ହାଇଆଲର୍ଟ ଜାରି କରାଯାଇଛି। ଘଟଣାସ୍ଥଳରେ ପୋଲିସ ଓ ସେନା ଅଧିକାରୀମାନେ ପହଁଞ୍ଚି ତଦନ୍ତ ଆରମ୍ଭ କରିଛନ୍ତି। ସୁରକ୍ଷାକର୍ମୀ ଅଞ୍ଚଳରେ ତଲାସୀ ଅଭିଯାନ ଚଳାଇଛନ୍ତି।
ଖବର ମୁତାବକ ଦୁର୍ବୃତ୍ତମାନେ ସୁରକ୍ଷା କର୍ମୀଙ୍କ ପୋଷାକରେ ଆସି ଜେଲ୍ ମଧ୍ୟରେ ପ୍ରବେଶ କରି ୧୦୦ ରାଉଣ୍ଡ ଗୁଳି ଚଳାଇଥିଲେ।
ଫେରାର ୪ ଗ୍ୟାଙ୍ଗଷ୍ଟାର ମଧ୍ୟରେ ଅଛନ୍ତି ଗୁରପ୍ରୀତ ସେଙ୍ଖୋ, ଭିକି ଗୋଣ୍ଡର, ନିତା ଦେଓଲ ଏବଂ ବିକ୍ରମଜିତ୍ ସିଂହ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
