ନୂଆଦିଲ୍ଲୀ: ନୂଆ ବର୍ଷ ୨୦୨୧ର ପୂର୍ବ ସନ୍ଧ୍ୟାରେ ରାଷ୍ଟ୍ରପତି ରାମନାଥ କୋବିନ୍ଦ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ରାଷ୍ଟ୍ରପତି ଏକ ବାର୍ତ୍ତାରେ କହିଛନ୍ତି, “ନୂଆ ବର୍ଷ ଅବସରରେ ମୁଁ ଭାରତ ତଥା ବିଦେଶରେ ରହୁଥିବା ସମସ୍ତ ନାଗରିକଙ୍କୁ ମୋର ହାର୍ଦ୍ଦିକ ଶୁଭେଚ୍ଛା ଓ ଶୁଭକାମନା ଜଣାଉଛି। ପ୍ରତ୍ୟେକ ନୂଆ ବର୍ଷ ଏକ ନୂତନ ଆରମ୍ଭ କରିବାର ସୁଯୋଗ ପ୍ରଦାନ କରେ ଏବଂ ବ୍ୟକ୍ତିଗତ ଓ ସାମୂହିକ ବିକାଶ ପାଇଁ ଆମର ସଂକଳ୍ପକୁ ଗୁରୁତ୍ୱ ଦେଇଥାଏ।"
"କୋଭିଡ-୧୯ ପରିସ୍ଥିତିରୁ ଉତ୍ପନ୍ନ ଏହି କଷ୍ଟକର ସମୟ ଆମ ସମସ୍ତଙ୍କ ପାଇଁ ଏକଜୁଟ ହୋଇ ଆଗକୁ ବଢିବାର ଏକ ସମୟ। ସାଂସ୍କୃତିକ ମୂଲ୍ୟବୋଧକୁ ମଜବୁତ କରିବାର ଏହା ମଧ୍ୟ ସମୟ, ଯାହା ବିବିଧତା ଉପରେ ଆମର ଏକତା ଉପରେ ବିଶ୍ୱାସକୁ ଦୃଢିଭୂତ କରେ। ନୂଆ ବର୍ଷ ୨୦୨୧ର ପୂର୍ବ ସନ୍ଧ୍ୟାରେ, ଆସନ୍ତୁ ମିଳିତ ଭାବେ ପ୍ରେମ, କରୁଣା ଏବଂ ସହନଶୀଳ ହୃଦୟ ଦ୍ୱାରା ଶାନ୍ତି ଏବଂ ସଦ୍ଦିତ୍ସାକୁ ପ୍ରୋତ୍ସାହିତ କରୁଥିବା ଏକ ସୁସ୍ଥ ସମାଜ ଗଠନ ଦିଗରେ କାର୍ଯ୍ୟ କରିବା"।
ସେହିପରି ଉପରାଷ୍ଟ୍ରପତି ଏମ୍ ଭେଙ୍କେୟା ନାଇଡୁ କହିଛନ୍ତି, ନୂଆ ବର୍ଷ ହେଉଛି ଏକ ଉତ୍ସବ ଯାହାକୁ ଆମେ ସମସ୍ତେ ଚାହିଁ ରହିଥାଉ। ଏହା ଏକ ଘଟଣା ଯାହା ଆମର ଆଶାବାଦୀ ହେବାର ଉତ୍ସାହ, ଜିଜ୍ଞାସା ଏବଂ ସୌଜନ୍ୟକୁ ଦୃଢ କରିଥାଏ। ଏହି ଆଶାର ସମ୍ଭାବନା ସହିତ ନୂଆ ବର୍ଷକୁ ସ୍ୱାଗତ କରିବା, ଯେହେତୁ ଆମେ ଏକ ବର୍ଷକୁ ବିଦାୟ ଦେଉଛୁ ଯାହା ସାମ୍ପ୍ରତିକ ସ୍ମୃତିର ଅନ୍ୟତମ ଘାତକ ମହାମାରୀ ମାଧ୍ୟମରେ ଆମକୁ ଅନେକ ଶିକ୍ଷା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
