ଜମ୍ମୁ: ଜମ୍ମୁ ଓ କାଶ୍ମୀରରେ ନିୟନ୍ତ୍ରଣ ରେଖା (ଏଲ୍ଓସି) ନିକଟରେ ପାକିସ୍ତାନ ସେନାର ଅସ୍ତ୍ରବିରତି ଉଲ୍ଲଂଘନ ଜାରି ରହିଥିବା ବେଳେ ଭାରତୀୟ ସେନା ପକ୍ଷରୁ ଦୃଢ଼ ଜବାବ ଦିଆଯାଇଛି। ଭାରତୀୟ ସେନାର ଯବାନମାନେ ଉତ୍ତର କାଶ୍ମୀରର କୁପୱାଡ଼ା ଜିଲ୍ଲାର କେରନ ସେକ୍ଟରରେ ଏଲଓସି ଡେଇଁ ପାକିସ୍ତାନର ୪ ଟି ସେନା ଶିବିରକୁ ନଷ୍ଟ କରି ଦେଇଛନ୍ତି।
ଜଣେ ସେନା ଅଧିକାରୀ କହିଛନ୍ତି,“କେରନ ସେକ୍ଟରରେ ଆମ ଯବାନମାନେ ସୀମା ପାର ହୋଇ ପାକିସ୍ତାନର ୪ଟି ସେନା ଶିବିରକୁ ନଷ୍ଟ କରି ଦେଇଛନ୍ତି। ଏହା ଦ୍ୱାରା ପାକିସ୍ତାନର ବହୁତ କ୍ଷତି ହୋଇଛି। ଏହା ପୂର୍ବରୁ କୋରନ ସେକ୍ଟରରେ ପାକିସ୍ତାନୀ ଯବାନମାନେ ଅସ୍ତ୍ରବିରତି ଉଲ୍ଲଂଘନ କରି ଗୁଳି ଚଳାଇଥିଲେ। ଏଥିରେ ଜଣେ ବିଏସଏଫ୍ ଯବାନ ଓ ଜଣେ ମହିଳା ଆହତ ହୋଇଥିଲେ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
