ଶିବସେନା କର୍ମୀ କାହିଁକି ମଦନ ଶର୍ମାଙ୍କୁ ଆକ୍ରମଣ କଲେ, ସଫେଇ ଦେଲେ ସଞ୍ଜୟ ରାଉତ

ମୁମ୍ବାଇ: ଅବସରପ୍ରାପ୍ତ ନୌସେନା ଅଧିକାରୀଙ୍କ ଉପରେ ଛଅ ଜଣ ଶିବସେନା କର୍ମୀ କାହିଁକି ଆକ୍ରମଣକ କଲେ ସେ ନେଇ ସଫେଇ ଦେଇଛନ୍ତି ଦଳର ମୁଖପାତ୍ର ସଞ୍ଜୟ ରାଉତ। ସେ ଆକ୍ରମଣକୁ ଯଥାର୍ଥ ବୋଲି କହିଛନ୍ତି। ମୁଖ୍ୟମନ୍ତ୍ରୀଙ୍କୁ କଟାକ୍ଷ କରିବା ପାଇଁ ଶେୟାର ହୋଇଥିବା କାର୍ଟୁନ କେବେ ଗ୍ରହଣୀୟ ନୁହେଁ। ଯାହା ବି ଶିବସେନା କର୍ମୀ କରିଛନ୍ତି ତାହା ହଠାତ୍ ଏବଂ କ୍ରୋଧିତ ହୋଇ କରିଛନ୍ତି ବୋଲି ସେ କହିଛନ୍ତି।

ଏକ ବିବୃତ୍ତି ଜାରି କରି ସଞ୍ଜୟ ରାଉତ କହିଛନ୍ତି, “ମହାରାଷ୍ଟ୍ରରେ ଆଇନ ଶୃଙ୍ଖଳା ରହିଛି। ଯିଏ ଆଇନକୁ ନିଜ ହାତକୁ ନେବ ସେ ରକ୍ଷା ପାଇବ ନାହିଁ। ଏହା ହେଉଛି ଉଦ୍ଧବ ଠାକରେଙ୍କ ନୀତି। ”

ମଦନ ଶର୍ମା ମୁଖ୍ୟମନ୍ତ୍ରୀଙ୍କର ଯେଉଁ କାର୍ଟୁନ ଶେୟାର କରିଥିଲେ ତାହା ଅପମାନଜନକ ଥିଲା। ଯାହା ଶିବସେନିକମାନଙ୍କୁ କ୍ରୋଧିତ କରିଥିଲା ବୋଲି  ସେ ସଫେଇ ଦେଇଛନ୍ତି।

ତେବେ ବିରୋଧୀ ବିଜେପିକୁ ଜବାବ ଦେବାକୁ ଯାଇ ସେ କହିଛନ୍ତି, ବିଜେପି ଏହାକୁ ନେଇ ରାଜନୀତି କରୁଛି। ଏ ପ୍ରସଙ୍ଗରେ ବିଜେପିର ପ୍ରତିକ୍ରିୟା ଦୁର୍ଭାଗ୍ୟଜନକ ବୋଲି ସାଂସଦ ସଞ୍ଜୟ ରାଉତ କହିଛନ୍ତି।

ପ୍ରଧାନମନ୍ତ୍ରୀ, ରାଷ୍ଟ୍ରପତି, ରାଜ୍ୟପାଳ କିମ୍ବା ଜଣେ ମୁଖ୍ୟମନ୍ତ୍ରୀଙ୍କ ଭଳି ସାମ୍ବିଧାନିକ ପଦବୀରେ ଥିବା ବ୍ୟକ୍ତିଙ୍କୁ ଯେତେବେଳେ ଅତ୍ୟଧିକ ସମାଲୋଚନା କରାଯାଏ ସେତେବେଳେ ଲୋକଙ୍କ ପାଖରୁ ଫ୍ରିଡମ୍ ଅଫ୍ ଏକ୍ସପ୍ରେସନ୍ ଛଡ଼ାଇ ନିଆଯାଏ ବୋଲି ରାଉତ କହିଛନ୍ତି।

ଆମ ସମସ୍ତଙ୍କୁ ଦାୟିତ୍ୱବାନ ଏବଂ ପରସ୍ପରର ଭାବନାକୁ ସମ୍ମାନ ଦେବା ଆବଶ୍ୟକ ବୋଲି ରାଉତ କହିଛନ୍ତି। ସମାଜରେ ଶାନ୍ତି ବଜାୟ ରଖିବା ପାଇଁ ସୁନିଶ୍ଚିତ କରିବା କ୍ଷମତାରେ ଥିବା ବ୍ୟକ୍ତିଙ୍କ କର୍ତ୍ତବ୍ୟ ବୋଲି ସେ କହିଛନ୍ତି।

ପୂର୍ବତନ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ମଦନ ଶର୍ମାଙ୍କ ଉପରେ ହୋଇଥିବା ଆକ୍ରମଣକୁ “ରାଜ୍ୟ ପ୍ରାୟୋଜିତ ଆତଙ୍କବାଦ” ବୋଲି କହିବା ପରେ ରାଉତ ଏଭଳି ମନ୍ତବ୍ୟ ଦେଇଛନ୍ତି।

ଗତକାଲି ମଦନଶର୍ମାଙ୍କୁ ଫୋନ୍ କରି ତାଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଥିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ। ଶିବସେନା କର୍ମୀଙ୍କ ଦ୍ୱାରା ହୋଇଥିବା ଆକ୍ରମଣକୁ ରାଜନାଥ ନିନ୍ଦା କରିିଥିଲେ।

ଆହୁରି ପଢ଼ନ୍ତୁ

କରୋନା ପଜିଟିଭ୍ କହି ଗାଏବ ହୋଇଯାଇଥିଲେ ସ୍ୱାମୀ, ଦେଢ଼ ମାସ ପରେ ପ୍ରେମିକାଙ୍କ ଘରୁ ଉଦ୍ଧାର କଲା ପୁଲିସ୍

ଆଇପିଏଲ୍ ପାଇଁ ଦୁବାଇ ପହଞ୍ଚିଲେ ଇଂଲିଶ ଓ ଅଷ୍ଟ୍ରେଲୀୟ ଖେଳାଳି

ଓଡ଼ିଶା ସରକାରଙ୍କ ଭଳି ଆଇନ୍ ଆଣିବେ ଯୋଗୀ ସରକାର

ସୁଶାନ୍ତ ସିଂ ମୃତ୍ୟୁ ମାମଲା: ସଲମାନ, କରଣ ଜୋହରଙ୍କୁ କୋର୍ଟରେ ହାଜର ହେବାକୁ ନୋଟିସ୍

କରାେନା ବଦଳାଇ ଦେଲା ଲୋକଙ୍କ କିଣିବା ରୁଚି

ପଡ଼ିଆରେ ବଜ୍ରପାତ, ଫୁଟବଲ୍ ଖେଳାଳିଙ୍କ ମୃତ୍ୟୁ

ଗୁଗୁଲ୍ ପ୍ଲେ ଷ୍ଟୋରରୁ ହଟିଲା ପେଟିଏମ୍

ଉର୍ମିଳାଙ୍କ ପାଇଁ ଆଗେଇ ଆସିଲେ ଫ୍ୟାନ୍ସ, କଙ୍ଗନାଙ୍କୁ ଟାର୍ଗେଟ୍

ଟ୍ୱିଟର ଛାଡ଼ି ଦେବେ କଙ୍ଗନା, ଯଦି…

ଘରେ ସିବିଆଇ ରେଡ୍ ନେଇ କ’ଣ କହିଲେ ଦେବୀ ମିଶ୍ର

ଜୟାଙ୍କ ଉପରେ ବର୍ଷିଲେ ମୁକେଶ

ଚଷମା ପିନ୍ଧିଲେ କରୋନାରେ ସଂକ୍ରମିତ ହେବାର ସମ୍ଭାବନା କମ୍: ରିପୋର୍ଟ