ମୁମ୍ୱାଇ: ବଲିଉଡ୍ର ଲୋକପ୍ରିୟ ଅଭିନେତ୍ରୀ ଶବାନା ଆଜ୍ମୀ ସ୍ୱାଇନ୍ ଫ୍ଲୁରେ ଆକ୍ରାନ୍ତା ହୋଇଛନ୍ତି। ରୁଟିନ୍ ଚେକଅପ୍ ପରେ ଶବାନା ତାଙ୍କର ଫ୍ୟାନ୍ମାନଙ୍କୁ ଏହି ଖବର ଦେଇଛନ୍ତି। ରିପୋର୍ଟ ଅନୁସାରେ, ଥଣ୍ଡା ହେବା ପରେ ସୱାନା ହସ୍ପିଟାଲ୍ ଚେକଅପ୍ ପାଇଁ ଯାଇଥିଲେ ଏବଂ ଟେଷ୍ଟ୍ ପରେ ତାଙ୍କୁ ସ୍ୱାଇନ୍ ଫ୍ଲୁ ହୋଇଥିବା ଜଣାପଡ଼ିଥିଲା।
ତାଙ୍କୁ ମୁମ୍ୱାଇର ଏକ ହସ୍ପିଟାଲ୍ରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ହସ୍ପିଟାଲ୍ରେ ଭର୍ତ୍ତି ହେବା ପରେ ଶବାନା କହିଛନ୍ତି- “ମୋତେ ବହୁତ କଷ୍ଟରେ ସମୟ ମିଳିଥାଏ। ସ୍ୱାଇନ୍ ଫ୍ଲୁର ଶିକାର ହୋଇ ହସ୍ପିଟାଲ୍ରେ ଭର୍ତ୍ତି ହେବା ପରେ ମତେ କାମରୁ ବ୍ରେକ୍ ନେବା ପରି ଲାଗୁଛି। ମୁଁ ବର୍ତ୍ତମାନ ହସ୍ପିଟାଲ୍ରେ ଅଛି ଏବଂ ମୋର ସ୍ୱାସ୍ଥ୍ୟରେ ସୁଧାର ଆସୁଛି।“
ଶବାନା ଆଜ୍ମୀ ପ୍ରସିଦ୍ଧ ଶାୟର୍ କୈଫି ଆଜ୍ମୀଙ୍କର ଝିଅ। ତାଙ୍କ ସ୍ୱାମୀ ଜାବେଦ୍ ଅଖତର୍ ମଧ୍ୟ ଜଣେ ଲୋକପ୍ରିୟ ଶାୟର୍।
ଶବାନା ଶେଷଥର ପାଇଁ ୨୦୧୭ରେ ‘ଦ ବ୍ଲାକ୍ ପ୍ରିନ୍ସ’ ଫିଲ୍ମରେ ଅଭିନୟ କରିଥିଲେ। ଏହି ଫିଲ୍ମଟି ପଞ୍ଜାବୀ, ଇଂରାଜୀ ଓ ହିନ୍ଦୀ ଭାଷାରେ ରିଲିଜ୍ ହୋଇଥିଲା। ଏହାବ୍ୟତୀତ ଶବାନା ସୋଶାଲ ମିଡିଆରେ ବେଶ୍ ସକ୍ରିୟ ରହିଥାନ୍ତି।