ନୂଆଦିଲ୍ଲୀ: ତିନି ଦିନ ତଳେ ଅପହୃତ ହୋଇଥିବା ନେପାଳର ବଡ଼ ଉଦ୍ୟୋଗପତି ସୁରେଶ କେଡ଼ିଆଙ୍କୁ ଆଜି ବିହାରର ମୋତିହାରୀରୁ ଉଦ୍ଧାର କରାଯାଇଛି। ଏହା ସହିତ ଅପହରଣକାରୀମାନଙ୍କୁ ଗିରଫ କରିଛି ସ୍ପେଶାଲ୍ ଟାକ୍ସଫୋର୍ସର ଟିମ୍। କେଡ଼ିଆଙ୍କୁ ଅପହରଣ କରିବାରେ ବ୍ୟବହୃତ ଗାଡ଼ି ଓ ଅସ୍ତ୍ରଶସ୍ତ୍ରକୁ ମଧ୍ୟ ଜବତ କରାଯାଇଛି।
କେଡ଼ିଆଙ୍କୁ ଗୁରୁବାର ଦିନ ନେପାଳର ବୀରଗଞ୍ଜରୁ ଅପହରଣ କରାଯାଇଥିଲା। ଅପହରଣକାରୀମାନେ ତାଙ୍କୁ ଧରି ପୂର୍ବ ଚମ୍ପାରଣ ଦେଇ ବିହାରରେ ପ୍ରବେଶ କରିଥିଲେ। ଅପହରଣକାରୀମାନେ କେଡ଼ିଆଙ୍କ ଡ୍ରାଇଭର ସୁରେଶ କାନୁଙ୍କୁ ଗୁଳି କରି ହତ୍ୟା କରି ଥିଲେ। ସେମାନେ କେଡ଼ିଆଙ୍କୁ ମୁକ୍ତି ବଦଳରେ ୧୦୦ କୋଟି ଟଙ୍କା ଦାବି କରିଥିଲେ।
ସୁରେଶ କେଡ଼ିଆଙ୍କ ଭାଇ ବିମଲ କେଡ଼ିଆ ହେଉଛନ୍ତି ନେପାଳର ସଦ୍ଭାବନା ପାର୍ଟି ନେତା ତଥା ସାଂସଦ। ସୁରେଶ କେଡ଼ିଆଙ୍କୁ ମୁକ୍ତ କରିବା ପାଇଁ ନେପାଳ ଓ ବିହାର ପୋଲିସ୍ ଦିନରାତି ଏକ କରି ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
