ମୁମ୍ବାଇ: ଋଣଗ୍ରସ୍ତ ବିମାନ ଉଡ଼ାଣ କମ୍ପାନୀ ଜେଟ୍ ଏୟାରୱେଜ୍କୁ ଟାଟା କିଣିବ ବୋଲି କିଛି ଗଣମାଧ୍ୟମରେ ଖବର ଆସିବାପରେ ଏହାକୁ ଅସ୍ୱୀକାର କରିଛି ଟାଟା ସନ୍ସ। କମ୍ପାନୀ ପକ୍ଷରୁ ଜାରି କରାଯାଇଥିବା ଏକ ପ୍ରେସ୍ ବିବୃତିରେ କୁହାଯାଇଛି, ଆଲୋଚନା କେବଳ ପ୍ରାଥମିକ ସ୍ତରରେ ଥିଲା। ଏବାବଦରେ କୌଣସି ଚୂଡ଼ାନ୍ତ ନିଷ୍ପତ୍ତି ନିଆଯାଇନାହିଁ।
ଟାଟା ପୂର୍ବରୁ ସିଙ୍ଗାପୁର ଏୟାରଲାଇନ୍ସ ସହିତ ମିଳିତ ମାଲିକାନାରେ ବିସ୍ତାରା ବିମାନ ସଂସ୍ଥା ଏବଂ ମ୍ୟାଲେସିଆର ଏୟାର ଏସିଆ ସହିତ ମିଶି ଏୟାର ଏସିଆ ଇଣ୍ଡିଆ ପରିଚାଳନା କରୁଛି। ଟାଟା ଏ ଦିଗରେ ତୃତୀୟ ପ୍ରୟାସ ଭାବରେ ସିଙ୍ଗାପୁର ଏୟାରଲାଇନ୍ସ ସହିତ ମିଳିତ ଭାବରେ ନରେଶ ଗୋୟଲ୍ଙ୍କ ଜେଟ୍ ଏୟାର୍ୱେଜ୍କୁ ସମ୍ପୂର୍ଣ୍ଣ ଅଧିଗ୍ରହଣ କରିବ ବୋଲି ଚର୍ଚ୍ଚା ହେଉଥିଲା। କିନ୍ତୁ ଟାଟା ସନ୍ସର ଏକ ବୋର୍ଡ ମିଟିଂ ପରେ ଏନେଇ ସ୍ପଷ୍ଟୀକରଣ ରଖାଯାଇଛି।
ପୂର୍ବରୁ ଜେଟ୍ ଏୟାରୱେଜ୍ର ମୁଖ୍ୟ ଆର୍ଥିକ ଅଧିକାରୀ ଅମିତ ଅଗ୍ରୱାଲ ଏହି ଡିଲ୍ ବାବଦରେ ସୂଚନା ଦେଇଥିଲେ। ଏହି କମ୍ପାନୀରେ ନରେଶ ଏବଂ ତାଙ୍କ ପରିବାରର ୫୧ ପ୍ରତିଶତ ଶେୟାର ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
