କରୋନା ଭାଇରସ ଉପରେ ଏହି ଔଷଧ ୧୦ଗୁଣା ଅଧିକ ପ୍ରଭାବଶାଳୀ!

ନୂଆଦିଲ୍ଲୀ: ମହାମାରୀ କରୋନା ଭାଇରସ୍ ସମଗ୍ର ବିଶ୍ୱରେ ତା’ର କାୟା ବିସ୍ତାର କରିଚାଲିଛି। କରୋନାକୁ ମାତ୍‌ ଦେବା ପାଇଁ ବିଶ୍ୱର ପ୍ରାୟ ସବୁ ରାଷ୍ଟ୍ର ଟିକା ବାହାର କରିବା କାର୍ଯ୍ୟରେ ଲାଗିଛି। କିଛି ଟିକା ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଆଉ କିଛି ଟିକା ପ୍ରାରମ୍ଭିକ ପର୍ଯ୍ୟାୟରେ ରହିଛି।

ଏସବୁ ଭିତରେ ଦିଲ୍ଲୀ ଆଇଆଇଟି ପକ୍ଷରୁ କରାଯାଇଥିବା ଅନୁସନ୍ଧାନରୁ ନୂଆ ତଥ୍ୟ ସାମ୍ନାକୁ ଆସିଛି। ଟିକା ଅପେକ୍ଷା କରୋନାକୁ ୧୦ ଗୁଣା ଅଧିକ ମାତ୍‌ ଦେଇ ପାରୁଥିବା ଔଷଧ ସମ୍ପର୍କରେ ଗବେଷକମାନେ ତଥ୍ୟ ହାସଲ କରିଛନ୍ତି। ଅନୁସନ୍ଧାନରୁ ଜଣାପଡିଛି ଯେ କରୋନା ଭାଇରସ ବିରୋଧରେ କ୍ଲିନିକାଲ୍ ଅନୁମୋଦିତ ପ୍ରାପ୍ତ ‘ଟିକୋପ୍ଲାନିନ’ ନାମକ ଔଷଧ ଅଧିକ ପ୍ରଭାବଶାଳୀ।

ବର୍ତ୍ତମାନ ସୁଦ୍ଧା ଯେଉଁ ସବୁ ଔଷଧ କରୋନା ଚିକିତ୍ସା ପାଇଁ ବ୍ୟବହାର ହେଉଛି, ତା’ ମଧ୍ୟରୁ ‘ଟିକୋପ୍ଲାନିନ’ ଦଶ ଗୁଣ ଅଧିକ ପ୍ରଭାବଶାଳୀ। ଆଇଆଇଟିର କୁସୁମା ସ୍କୁଲ ଅଫ୍ ବାୟୋଲୋଜିକାଲ ସାଇନ୍ସର ଗବେଷଣରେ ୨୩ଟି ଅନୁମୋଦନ ପ୍ରାପ୍ତ ଔଷଧ ଉପରେ ପରୀକ୍ଷା କରାଯାଇଥିଲା।

ପିଟିଆଇ ରିପୋର୍ଟ ଅନୁଯାୟୀ, ଆଇଆଇଟି ଦିଲ୍ଲୀର ପ୍ରଫେସର ଅଶୋକ ପଟେଲ କହିଛନ୍ତି, ଟିକୋପ୍ଲାନିନକୁ କରୋନା ଚିକିତ୍ସାରେ ବ୍ୟବହୃତ ହେଉଥିବା ଅନ୍ୟ ଔଷଧଗୁଡ଼ିକ ସହ ତୁଳନା କରାଯାଇଥିଲା। ବିଶେଷ କରି ଆମେ ଲ୍ୟାବରେ ଲୋପିନାଭିର ଓ ହାଇଡ୍ରୋକ୍ସିକ୍ଲୋରୋକୁଇନର ପରୀକ୍ଷା କରିଥିଲୁ। ତେବେ କରୋନା ବିରୋଧରେ ଟିକୋପ୍ଲାନିନ ଉପରୋକ୍ତ ୨ ଔଷଧ ତୁଳନାରେ ୧୦ରୁ ୨୦ ଗୁଣ ଅଧିକ ପ୍ରଭାବଶାଳୀ ଥିବା ଜଣାପଡ଼ିଛି। ଏମ୍ସର ଡାକ୍ତର ପ୍ରଦୀପ ଶର୍ମା ମଧ୍ୟ ଏହି ଗବେଷଣାରେ ସାମିଲ ହୋଇଥିଲେ।

ଟିକୋପ୍ଲାନିନ ଏକ ଗ୍ଲାଇକୋପେପଟାଇଡ୍ ଆଣ୍ଟିବାୟୋଟିକ୍। ଏହାକୁ ଆମେରିକାର ଖାଦ୍ୟ ଓ ଡ୍ରଗ୍ସ ଆଡମିନିଷ୍ଟ୍ରେସନ ମଧ୍ୟ ଅନୁମୋଦନ ଦେଇଛି।

ଆହୁରି ପଢ଼ନ୍ତୁ

ଓପିନିଅନ ପୋଲ: ବିହାରରେ ପୁଣି ବାଜିମାତ କରିବ ଏନଡିଏ, କିନ୍ତୁ…

କୋଭିଡ୍ ଚିକିତ୍ସା ପାଇଁ କିମ୍ସ ନେଇଛି ୪୦ କୋଟି

କ’ଣ ଏବେ ବି ଚେନ୍ନାଇ ପାଖରେ ଫ୍ଲେ ଅଫ ଖେଳିବାର ସୁଯୋଗ ଅଛି ? ଜାଣନ୍ତୁ ପୂରା ଗଣିତ

ପତଳା ଶରୀର ପାଇଁ ଚିନ୍ତିତ କି? ଏହି ସବୁ ଫଳ ଖାଇ ବଢ଼ାନ୍ତୁ ଓଜନ

କ୍ଷୁଧା ମୁକାବିଲାରେ ପାକିସ୍ତାନ ପଛରେ ଭାରତ!

କଂଗ୍ରେସର ପୂର୍ବତନ ବିଧାୟକ ଗୁରୁପଦ ନନ୍ଦଙ୍କ ପରଲୋକ

ଯୌନ ଆଭିମୁଖ୍ୟକୁ ନେଇ ଫସିବା ପରେ ସ୍ପଷ୍ଟୀକରଣ ଦେଲା ଏୟାରଟେଲ୍

ତିନି ଦିନ ପ୍ରବଳ ବର୍ଷା, ୫ ଜିଲ୍ଲାକୁ ୟେଲୋ ୱାର୍ଣ୍ଣିଂ

ଫେବୃଆରୀ ସୁଦ୍ଧା ଅଧା ଭାରତୀୟ କରୋନାରେ ଆକ୍ରାନ୍ତ ହୋଇପାରନ୍ତି: ସରକାରୀ ପ୍ୟାନେଲ

ମଉଳି ଗଲା ଲ’ ଛାତ୍ରୀଙ୍କ ଲଭଷ୍ଟୋରୀ, ମାରିଦେଲା ପ୍ରେମିକ

୨୪ ଘଣ୍ଟାରେ ସୁସ୍ଥ ହେଲେ ୨୭୩୮ କରୋନା ଆକ୍ରାନ୍ତ

ଗଞ୍ଜେଇ ଖାଇଲେ ଫୁସଫୁସର କ୍ଷତି କରିପାରିବ ନାହିଁ କରୋନା!