ବିଶାଖାପଟନମ: ଆନ୍ଧ୍ର ପ୍ରଦେଶର ବିଶାଖାପଟନମ ଠାରେ ଥିବା ହିନ୍ଦୁସ୍ତାନ ଶିପୟାର୍ଡରେ ଭୟଙ୍କର ଦୁର୍ଘଟଣା ଘଟିଛି। ଶିପୟାର୍ଡରେ କାର୍ଯ୍ୟ କରୁଥିବା ଗୋଟିଏ ବିଶାଳକାୟ କ୍ରେନ ଖସି ପଡ଼ିବାରୁ ୧୦ ଜଣଙ୍କ ମୃତ୍ୟୁ ଘଟିଛି। ଏବେ ବି କ୍ରେନ ତଳେ ଏକାଧିକ ଲୋକ ଚାପି ହୋଇ ରହିଥିବା ଆଶଙ୍କା କରାଯାଉଛି।
ଲୋଡ୍ ଟେଷ୍ଟିଂ କାମ ଚାଲୁଥିବା ବେଳେ ହିଁ କ୍ରେନ୍ଟି ଖସି ପଡ଼ିଥିବା ଖବର ମିଳିଛି। ଖବର ପାଇ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଚାପି ହୋଇ ରହିଥିବା ଶ୍ରମିକ ଓ ଲୋକମାନଙ୍କୁ ଉଦ୍ଧାର କରିବା କାର୍ଯ୍ୟରେ ଲାଗିଛନ୍ତି। ଆହତଙ୍କୁ ହସ୍ପିଟାଲକୁ ନେବା ପାଇଁ ଆମ୍ବୁଲାନ୍ସ ମଧ୍ୟ ଘଟଣାସ୍ଥଳରେ ଉପସ୍ଥିତ ରହିଛି। ବର୍ତ୍ତମାନ ସୁଦ୍ଧା ୧୦ ଜଣଙ୍କ ମୃତଦେହ ଉଦ୍ଧାର ହୋଇଥିବା ଜଣାପଡ଼ିଛି।
ଶିପୟାର୍ଡ ଅଧିକାରୀମାନେ ଦୁର୍ଘଟଣା ବେଳେ କେତେ ଜଣ ଶ୍ରମିକ କାମ କରୁଥିଲେ, ତା’ର ତାଲିକା ପ୍ରସ୍ତୁତ କରାଯାଉଛି। ଫଳରେ ଏହା ମଧ୍ୟରେ କେତେ ଲୋକ ଫସି ରହିଛନ୍ତି, ତାହା ଜଣାପଡ଼ିଛି।