ଏଣିକି ନୂଆ ନିୟମ; ଟ୍ରେନ୍ ଛାଡ଼ିବାର ଅଧଘଣ୍ଟା ପୂର୍ବରୁ କରିହେବ ଟିକେଟ୍ ବୁକିଂ

ନୂଆଦିଲ୍ଲୀ: ଏଣିକି ଟ୍ରେନ୍ ଛାଡ଼ିବାର ଅଧଘଣ୍ଟା ପୂର୍ବରୁ କରିହେବ ଟିକେଟ୍ ବୁକିଂ।  ଆସନ୍ତା ୧୦ ତାରିଖରୁ ଲାଗୁ ହେବାକୁ ଯାଉଛି ଏହି ନିୟମ । ଏ ନେଇ ଭାରତୀୟ ରେଲେଓ୍ୱ ପକ୍ଷରୁ ସୂଚନା ଦିଆଯାଇଛି ।

ଟ୍ରେନ୍ ଛାଡ଼ିବାର ଅଧ ଘଣ୍ଟା ପୂର୍ବରୁ ଭାରତୀୟ ରେଲେଓ୍ୱ ପକ୍ଷରୁ ଦ୍ୱିତୀୟ ରିଜର୍ଭେସନ ଚାର୍ଟ ଜାରି କରାଯିବ। ସେହିପରି ପ୍ରଥମ ଚାର୍ଟ ୪ ଘଣ୍ଟା ପୂର୍ବରୁ ଆସିଯିବ।  ଯାହା ଫଳରେ ତୁରନ୍ତ କୌଣସି ଜାଗାକୁ ଯିବାକୁ ଚାହୁଁଥିବା ଯାତ୍ରୀମାନେ ଏହାର ଫାଇଦା ପାଇପାରିବେ ।

ରେଲୱେର କହିବା ମୁତାବକ, ପ୍ରଥମ ଚାର୍ଟ ଜାରି ହେବା ପରେ ଅନେକ ସିଟ୍ ଖାଲିପଡୁଥିଲା । ସିଟ୍ ଖାଲି ପଡ଼ିବା ସତ୍ତ୍ୱେ ଅନେକ ଯାତ୍ରୀ ଜେନେରାଲ୍ ଶ୍ରେଣୀରେ ଯାତ୍ରା କରୁଥିଲେ । ମାତ୍ର ଏବେ ତାହା ହେବ ନାହିଁ । ପ୍ରଥମ ଚାର୍ଟ ପରେ ଯେଉଁ ସିଟ୍ ଖାଲି ରହିବ ତାହାର ବୁକିଂ ଅନ୍‌ଲାଇନ୍‌ ଅଥବା କାଉଣ୍ଟରରେ କରାଯିବ। ଏଥିଲାଗି ପ୍ରଥମେ ଆସିଲେ ପ୍ରଥମେ ପାଇବା ନିୟମ ଲାଗୁ ହେବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।