‘ଅମ୍ଫାନ’ ପ୍ରଭାବିତ ଅଞ୍ଚଳରେ ପହଞ୍ଚି ସ୍ଥିତି ପରଖିଲେ ନୁସରତ୍

କୋଲକାତା: ସମଗ୍ର ବିଶ୍ୱ ମହାମାରୀ କରୋନା ଭାଇରସ୍ ସହ ସଂଘର୍ଷ କରୁଥିବାବେଳେ ପଶ୍ଚିମବଙ୍ଗ ଏବଂ ଓଡ଼ିଶାରେ ବାତ୍ୟା ‘ଅମ୍ଫାନ୍’ ଅନେକ ଧ୍ୱଂସ ଘଟାଇଛି। ବିଶେଷ କରି ପଶ୍ଚିମବଙ୍ଗରେ ଏହା ପ୍ରଭାବରେ ଅଧିକ କ୍ଷୟକ୍ଷତି ହୋଇଛି। ବର୍ତ୍ତମାନ ସେଠାରେ ଉଦ୍ଧାର ଓ ରିଲିଫ ବଣ୍ଟନ କାର୍ଯ୍ୟ ଜାରି ରହିଛି। ତେବେ ଏହି ସମୟରେ ଲୋକପ୍ରିୟ ବଙ୍ଗୀୟ ଅଭିନେତ୍ରୀ ତଥା ଟିଏମସି ସାଂସଦ ନୁସରତ ଜାହାନ ନିଜ ନିର୍ବାଚନମଣ୍ଡଳୀର ଜନସାଧାରଣଙ୍କ ନିକଟରେ ପହଞ୍ଚିଥିଲେ, ଯେଉଁଠାରେ ସେ ତାଙ୍କ ଅଞ୍ଚଳର ଲୋକଙ୍କଠାରୁ ତାଙ୍କ ଅବସ୍ଥା ପଚାରି ବୁଝିବା ସହ ରିଲିଫ୍ ବଣ୍ଟନ କାର୍ଯ୍ୟର ତଦାରଖ ମଧ୍ୟ କରିଥିଲେ।

ଜନସାଧାରଣଙ୍କୁ ଭେଟିବା ସମୟରେ ନୁସରତ ମାସ୍କ ପିନ୍ଧିବା ସହ ସାମାଜିକ ଦୂରତା ମଧ୍ୟ ପାଳନ କରିଥିଲେ। ତେବେ ଏହି ସମୟର କିଛି ଫଟୋ ସୋଶାଲ୍ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ନିଜ ନିର୍ବାଚନମଣ୍ଡଳୀରେ ଲୋକଙ୍କ ସହ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି। ଫଟୋରେ ନୁସରତ ମୁହଁରେ ମାସ୍କ ପିନ୍ଧିଥିବା ଦେଖିବାକୁ ମିଳିଛି। ସେ ନିଜେ ଇନଷ୍ଟାଗ୍ରାମ ଆକାଉଣ୍ଟରେ ମଧ୍ୟ ଏହାର ଅନେକ ଫଟୋ ଶେଆର୍ କରିଛନ୍ତି।

ଫଟୋ କ୍ୟାପସନରେ ନୁସରତ୍ ଲେଖିଛନ୍ତି, ‘ମୁଁ ବସିରହାଟ ନିର୍ବାଚନମଣ୍ଡଳୀର ବାତ୍ୟା ‘ଅମ୍ଫାନ’ ପ୍ରଭାବିତ ଅଞ୍ଚଳକୁ ଯାଇ ମିନଖାନ୍ ଏବଂ ହରୋଆସ୍ଥିତ ଆଶ୍ରୟ ଗୃହଗୁଡ଼ିକରେ ରହୁଥିବା ଲୋକଙ୍କୁ ଭେଟିଥିଲି। ଏ ପରିସ୍ଥିରେ ଆମେ ସମସ୍ତେ ଏକାଠି ଅଛୁ। କରୋନାରୁ ବଞ୍ଚିବା ପାଇଁ ଏବଂ ଏହି ବିପର୍ଯ୍ୟୟରୁ ମୁକ୍ତି ପାଇଁ ଆମ ସମସ୍ତଙ୍କୁ ପର୍ଯ୍ୟାପ୍ତ ସତର୍କତା ଅବଲମ୍ବନ କରିବା ଆବଶ୍ୟକ। ଆମେ ନିଶ୍ଚିତ ଭାବରେ ଏଥିରୁ ମୁକ୍ତି ପାଇବାରେ ସମର୍ଥ ହେବୁ।’

ପଶ୍ଚିମବଙ୍ଗରେ ଅମ୍ଫାନ୍ ବହୁ କ୍ଷୟକ୍ଷତି ଘଟାଇଛି। ବଡ଼ ବଡ଼ ନେତା ସମେତ ଅନେକ ବଲିଉଡ୍ ତାରକା ମଧ୍ୟ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି। ପ୍ରଧାନମନ୍ତ୍ରୀ ମୋଦି ମଧ୍ୟ ଆକାଶ ମାର୍ଗରୁ ବାତ୍ୟା ପରିସ୍ଥିତି ସମୀକ୍ଷା କରିବା ସହ ଅଗ୍ରୀମ ହଜାର କୋଟି ଟଙ୍କାର ସହାୟତା ଯୋଗାଇ ଦେଇଛନ୍ତି। ଏଥିସହ କେନ୍ଦ୍ରୀୟ ଟିମ୍ ଆସି ସ୍ଥିତି ଅନୁଧ୍ୟାନ କରି ରିପୋର୍ଟ ଦେବାପରେ କେନ୍ଦ୍ର ବାକି ସହାୟତା କରିବ।

ଆହୁରି ପଢ଼ନ୍ତୁ

ଦେଶରେ ୭ ଲକ୍ଷ ଡେଇଁଲା ଆକ୍ରାନ୍ତଙ୍କ ସଂଖ୍ୟା, ମୃତ୍ୟୁସଂଖ୍ୟା ୨୦ ହଜାର ପାର୍‌

ଭାଇ ସହ ଏମିତି ଫଟୋ ଶେଆର୍ କରି ଟ୍ରୋଲ୍ ହୋଇଥିଲେ ସାରା

ବିଦେଶୀ ଶିକ୍ଷାର୍ଥୀଙ୍କୁ ଦେଶରୁ ବିଦା କରିବା ପାଇଁ ଆମେରିକାର ନୂଆ ରଣନୀତି

ଟିକ୍‌ଟକ ସହ ସମସ୍ତ ଚାଇନିଜ ଆପକୁ ବ୍ୟାନ୍‌ କରିବ ଆମେରିକା

ସକାଳୁ ପିଅନ୍ତୁ ଏହି ରସ: ୭ ଦିନରେ କମିଯିବ ପେଟ

ଏହି ରୋଗରେ ପୀଡ଼ିତ ହିମାଂଶି: ୩ ଘଣ୍ଟା ନେବାକୁ ପଡ଼େ ଅକ୍ସିଜେନ୍

କରୋନା ପ୍ରଭାବ: ଫିଲ୍ମ ନିର୍ଦ୍ଦେଶକ ଖୋଲିଲେ ଗ୍ରୋସରୀ ଦୋକାନ

ଧୋନିଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଏମିତି ଟ୍ୱିଟ୍ କଲେ ସେହୱାଗ୍ ଓ କୈଫ

ପରଦାରେ ଏକାଠି ଧମାକା କରିବେ ଏହି ଦୁଇ ସୁପରଷ୍ଟାର୍

ମୁଲାୟମଙ୍କ ସ୍ତ୍ରୀ ହସ୍ପିଟାଲରେ ଭର୍ତ୍ତି

ଏମ୍ସର ଚତୁର୍ଥ ମହଲାରୁ ଡେଇଁ ପଡ଼ିଲେ କରୋନା ଆକ୍ରାନ୍ତ ସାମ୍ୱାଦିକ

ମୋଦିଙ୍କ ବିଫଳତା ଉପରେ ହାଭାର୍ଡରେ ପାଠ ପଢ଼ା ହେବ: ରାହୁଲ