ଆମେରିକାରେ ୨୪ ଘଣ୍ଟାରେ ଦୁଇ ଥର ଗୁଳିକାଣ୍ଡ, ୨୯ ମୃତ

ଓ୍ୱାଶିଂଟନ: ଆମେରିକାର ଓହିଓ ଡାୟଟୋନରେ ୯ ଜଣଙ୍କୁ ଗୁଳି କରି ହତ୍ୟା କରାଯାଇଛି। ଏହାପରେ ପୁଲିସର ଜବାବୀ ହମଲାରେ ହତ୍ୟାକାରୀର ମୃତ୍ୟୁ ଘଟିଛି। ଆମେରିକାର ଓରେଗନ ଜିଲ୍ଲାର ସହରରେ ରାତି ୧ଟାରେ ଏହି ଅଘଟଣ ଘଟିଥିବା ପୁଲିସ କହିଛି।

ହତ୍ୟାକାରୀ ଜଣଙ୍କ ହଠାତ୍ ଲୋକଙ୍କୁ ଉପରକୁ ଗୁଳି ମାଡ଼ କରିଥିବାରୁ ଏକା ସାଙ୍ଗରେ ୯ ଜଣ ସାଧାରଣ ଲୋକଙ୍କର ମୃତ୍ୟୁ ଘଟିଥିଲା ଏବଂ ୧୬ ଜଣ ଆହତ ହୋଇଛନ୍ତି। ଏହାପରେ ପୁଲିସ ପକ୍ଷରୁ ହତ୍ୟାକାରୀ ଉପରକୁ ଗୁଳି ମାଡ଼ କରାଯାଇଥିଲା। ଯେଉଁଥିରେ ହତ୍ୟାକାରୀ ଜଣଙ୍କର ମୃତ୍ୟୁ ଘଟିଥିଲା। ତେବେ ଏଥିରେ କୌଣସି ପୁଲିସ ଆହତ ହୋଇନଥିବା ସୂଚନା ରହିଛି। ହତ୍ୟାକାରୀ ହଠାତ୍ ସାଧାରଣ ଲୋକଙ୍କ ଉପରକୁ ଗୁଳି ଫୁଟାଇବାର କାରଣ ଏଯାବତ ଅସ୍ପଷ୍ଟ ରହିଛି।

ସୂଚନାଯୋଗ୍ୟ, ଆଜି ଆମେରିକାର ଟେକ୍ସାସ ସ୍ଥିତ ୱାଲ୍‌ମାର୍ଟ ସପିଂ ମଲ୍‌ରେ ମଧ୍ୟ ଶନିବାର ଗୁଳିକାଣ୍ଡ ଘଟିଥିଲା। ଏଥିରେ ୨୦ ଜଣଙ୍କ ମୃତ୍ୟୁ ଘଟିଛି। ଏଥିସହ ୨୬ ଜଣ ଆହତ ହୋଇଛନ୍ତି। ଆହତମାନଙ୍କୁ ସ୍ଥାନୀୟ ହସ୍‌ପିଟାଲରେ ଭର୍ତ୍ତି କରାଯାଇଛି।

ଏହି ଘଟଣାରେ ପୁଲିସ୍ ତିନି ଜଣ ସନ୍ଦିଗ୍ଧକୁ ଧରିଛି। ତେବେ ସ୍ଥାନୀୟ ଗଣମାଧ୍ୟମ ଅନୁଯାୟୀ ଜଣେ ୨୧ ବର୍ଷୀୟ ଯୁବକ ଏହି ଗୁଳିକାଣ୍ଡ ଭିଆଇଛନ୍ତି। ସେ ପୁଲିସ୍‌ ନିକଟରେ ଆତ୍ମସମର୍ପଣ କରିଥିବା ବି କୁହାଯାଇଛି। ତେବେ ପୁଲିସ୍ ଏନେଇ କିଛି ସ୍ପଷ୍ଟ କରିନାହିଁ।

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ଘଟଣାକୁ ତୀବ୍ର ନିନ୍ଦା କରିଛନ୍ତି। ଆମେରିକାରେ ୱାଲ୍‌ମାର୍ଟ ଷ୍ଟୋର୍‌ରେ ଏକ ସପ୍ତାହ ମଧ୍ୟରେ ଏହା ହେଉଛି ତୃତୀୟ ଗୁଳିକାଣ୍ଡ ଘଟଣା। ସେହିପରି ଗତ ସପ୍ତାହରେ କାଲିଫୋର୍ନିଆର ଗିଲରୋପ ଗାର୍ଲିକ ଫେଷ୍ଟିଭାଲ୍‌ରେ ମଧ୍ୟ ଗୁଳିକାଣ୍ଡ ଘଟିଥିଲା। ଏଥିରେ ୩ ଜଣଙ୍କ ମୃତ୍ୟୁ ହୋଇଥିଲା।

ଏହା ପୂର୍ବରୁ ଜୁନ୍ ମାସ ଶେଷ ସପ୍ତାହରେ ଟେକ୍ସାସରେ ଦୁଇଟି ସ୍ଥାନରେ ଗୁଳିକାଣ୍ଡ ହୋଇଥିଲା। ଏଥିରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଆହତ ହୋଇଥିଲେ।

ଆହୁରି ପଢ଼ନ୍ତୁ

ଆଖିକୁ ଦିଶେନାହିଁ, କିନ୍ତୁ ୟୁପିଏସସି ପରୀକ୍ଷାରେ ବାଜିମାତ କଲେ ଏହି ଯୁବତୀ

ମହନ୍ତ ନିତ୍ୟ ଗୋପାଳ ଦାସଙ୍କୁ କରୋନା, ମୋଦିଙ୍କ ସହ ଷ୍ଟେଜ ଶେୟାର କରିଥିଲେ

‘ସଡ଼କ-୨’କୁ ୫୦ ଲକ୍ଷରୁ ଅଧିକ ଡିସ୍‌ଲାଇକ୍‌

୨୦୨୦ରେ ଏହି ସବୁ ଯୋଜନା ରଖିଥିଲେ ସୁଶାନ୍ତ !

ଭାଇରାଲ୍‌ ହେଉଛି ଆମୀର ଖାନ୍‌ଙ୍କ ଭିଡିଓ

୨୦ ମିନିଟ୍‌ରେ ୩ ମାସର ବର୍ଷା: ମୁଖ୍ୟ ରାସ୍ତାରେ ଭାସିଲା ଗାଡ଼ି, ଭାଙ୍ଗିଲା ଘର

ଲଦାଖରେ ମୁତୟନ ହେଲା ଦୁଇଟି ଲଢ଼ୁଆ ହେଲିକପ୍ଟର

ଭାରତରେ କମ୍ପାନୀ ଖୋଲି ବେଆଇନ କାମରେ ଲିପ୍ତ ଥିବା ଚାଇନିଜ ନାଗରିକ ଗିରଫ

ଯୁବରାଜ କହିଲେ, ସଞ୍ଜୟ ଆପଣ ଜଣେ ଫାଇଟର୍‌

ଫେସବୁକ ପୋଷ୍ଟରୁ ଜଳିଲା ବେଙ୍ଗାଲୁରୁ: ଦଙ୍ଗାକାରୀଙ୍କ ଠାରୁ କ୍ଷତିପୂରଣ ଆଦାୟ କରିବେ ସରକାର

୬ ଦିନ ହେଲା ୬ ବର୍ଷୀୟ ଶିଶୁର ଦୁଷ୍କର୍ମକାରୀକୁ ପାଉନି ପୁଲିସ୍, ଜାରି କଲା ଫଟୋ

ବିଗବସ୍‌କୁ ଚାହତ ପାଣ୍ଡେଙ୍କ ନା’