ପୁଣେ: ଗୁରୁବାର ପୁଣେର କଲେଜ୍ ଅଫ୍ ମିଲିଟାରୀ ଇଞ୍ଜିନିୟରିଂ (ସିଏମ୍ଇ) ପୋଲ ତିଆରି ତାଲିମ ସମୟରେ ୨ଜଣଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାରେ ଅନ୍ୟ ୮ ଜଣ ଆହତ ହୋଇଥିବା ସୂଚନା ମିଳିଛି। ଆହତମାନଙ୍କୁ ତୁରନ୍ତ ଖାଡ୍କିସ୍ଥିତ ମିଲିଟାରୀ ହସ୍ପିଟାଲରେ ଭର୍ତ୍ତି କରାଯାଇଛି।
ଏହି ଦୁର୍ଘଟଣାରେ ଗୁରୁତର ଆହତ ୨ ଜଣ ହସ୍ପିଟାଲରେ ହିଁ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ। ହସ୍ପିଟାଲରେ ଚିକିତ୍ସାଧୀନ ଥିବା ୮ଜଣଙ୍କର ସ୍ୱାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ରହିଛି।
ଭୋସାରୀ ପୁଲିସ୍ ଷ୍ଟେସନ୍ର ଇନ୍ସିପେକ୍ଟର ଶଙ୍କର ଅଭାଟାଡେ କହିଛନ୍ତି, ଏହି ଘଟଣା ଗୁରୁବାର ମଧ୍ୟାହ୍ଣରେ ଘଟିଛି। ତାଙ୍କୁ କଲେଜ୍ ଅଫ୍ ମିଲିଟାରୀ ଇଞ୍ଜିନିୟରିଂ ପକ୍ଷରୁ ଏହି ବିଷୟରେ ସୂଚନା ଦିଆଯାଇଥିଲା। କଲେଜ୍ ପରିସରରେ ସବୁଦିନ ପରି ପୋଲ ନିର୍ମାଣ ଅଭ୍ୟାସ ସମୟରେ ଏହି ଦୁର୍ଘଟଣା ଘଟିଥିଲା। ମୃତ ଦୁଇ ଯବାନ କେରଳର ସଞ୍ଜୀବନ ପିକେ ଏବଂ ମହାରାଷ୍ଟ୍ରର ୱାଘମୋଡେ ବୋଲି ଜଣାପଡ଼ିଛି। ଇନ୍ସିପେକ୍ଟର କହିଛନ୍ତି ଘଟଣାସ୍ଥଳ ଏବଂ ମୃତ ଯବାନଙ୍କ ତନଖି କରିବା ପରେ ମୃତ ଶରୀର କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
