ଲଣ୍ଡନ: ଇରାକ ଓ ସିରିୟାରେ ଆତଙ୍କ ରାଜ ଚଳାଇଥିବା ସଂଗଠନ ଇସ୍ଲାମିକ୍ ଷ୍ଟେଟ୍ (ଆଇଏସ୍) ଗତ ଦୁଇ ବର୍ଷରେ ୪,୦୦୦ରୁ ଅଧିକ ଲୋକଙ୍କୁ ହତ୍ୟା କରିଛି। ଇଂଲଣ୍ଡ ସ୍ଥିତ ସିରିୟାନ୍ ଓବଜରଭେଟୋରି ଫର୍ ହ୍ୟୁମାନ୍ ରାଇଟ୍ସ ନାମକ ସଂସ୍ଥା ଏହି ତଥ୍ୟ ପ୍ରଦାନ କରିଛି।
ଏହି ସଂସ୍ଥା ପକ୍ଷରୁ କୁହାଯାଇଛି, ୨୦୧୪ ଜୁନ୍ ମାସରେ ଆଇଏସ୍ ଗଠନ ହୋଇଥିଲା। ଏହା ପରଠାରୁ ଏହି ଆତଙ୍କବାଦୀ ସଂଗଠନ ମୁଣ୍ଡକାଟି, ଗୁଳି କରି ଓ ପଥର ମାଡ଼ କରି ଲୋକମାନଙ୍କୁ ହତ୍ୟା କରିଛି। ଏପରିକି ବଡ଼ କୋଠାରୁ ଫୋପାଡ଼ି ଓ ନିଆଁରେ ପୋଡ଼ି ବି ଲୋକଙ୍କୁ ହତ୍ୟା କରିଛି । ଗତ ୨୨ ମାସ ମଧ୍ୟରେ ଏହି ଆତଙ୍କବାଦୀ ସଂଗଠନ ଏଭଳି ଭାବେ ମୋଟ ୪,୧୪୪ ଲୋକଙ୍କୁ ହତ୍ୟା କରିଛି।
ଏହା ସହିତ ଏହି ଆତଙ୍କବାଦୀ ସଂଗଠନ ଦ୍ୱାରା ସିରିୟା ଲୋକଙ୍କ ବିରୁଦ୍ଧରେ ସଂଘଟିତ କରାଯାଉଥିବା ହିଂସାକୁ ରୋକିବା ପାଇଁ ସଂସ୍ଥା ତରଫରୁ ଜାତିସଂଘକୁ ଅନୁରୋଧ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
