ବେଙ୍ଗାଲୁରୁ: ମୁଖ୍ୟମନ୍ତ୍ରୀ ବିଏସ୍. ୟେଦ୍ୟୁରୁପ୍ପା ଆଜି କର୍ଣ୍ଣାଟକା ବିଧାନସଭାରେ ଆସ୍ଥା ଭୋଟ୍ ଜିତିଛନ୍ତି। ୧୪ ବିଦ୍ରୋହୀ ବିଧାୟକ ଗତକାଲି ବାଚସ୍ପତି କେଆର ରମେଶ କୁମାରଙ୍କ ଦ୍ୱାରା ଅଯୋଗ୍ୟ ଘୋଷିତ ହେବା ପରେ ସେ ଆଜି ତାଙ୍କ ସମର୍ଥନରେ ୧୦୫ ବିଧାୟକଙ୍କ ଭୋଟ୍ ବାଚନିକା ମାଧ୍ୟମରେ ପାଇଥିଲେ। ଫଳରେ ସେ ଗୃହରେ ଆଗାମୀ ୬ ମାସ ପାଇଁ ସରକାରରେ ରହିବା ସ୍ପଷ୍ଚ।
ମୋଟ୍ ଅଯୋଗ୍ୟ ଘୋଷିତ ୧୭ ବିଧାୟକଙ୍କ ସ୍ଥାନରେ ହେବାକୁ ଥିବା ଉପ ନିର୍ବାଚନରେ ଯଦି ବିଜେପି ଅଧିକ ଆସନ ନ ଜିତେ ତାହେଲେ ପୁଣିଥରେ ଆସ୍ଥା ଭୋଟର ସମ୍ମୁଖୀନ ହୋଇପାରନ୍ତି ୟେଦ୍ୟୁରୁପ୍ପା। ଆଜି ଆସ୍ଥା ଭୋଟ ଜିତିବା ପରେ ସେ ପ୍ରତିହିଂସା ପରାୟଣ ହୋଇ କିଛି କରିବେ ନାହିଁ ବୋଲି ବିରୋଧୀଙ୍କୁ ଆଶ୍ୱସ୍ତ କରିଛନ୍ତି। ଏଥିସହ ସେ ‘ଭୁଲି ଯିବା ଏବଂ କ୍ଷମା କରିଦେବା’ ନୀତି ପାଳନ କରିବେ ବୋଲି କହିଛନ୍ତି।
ସୂଚନାଯୋଗ୍ୟ, ଜେଡିଏସ୍-କଂଗ୍ରେସ ମେଣ୍ଟ ସରକାର ଭାଙ୍ଗିବା ପରେ ଗତ ଶୁକ୍ରବାର ବିଜେପି ବିଧାୟକ ଦଳର ନେତା ୟେଦ୍ୟୁରୁପ୍ପା ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ।
ତେବେ ଆସ୍ଥା ଭୋଟରେ ମୁଖ୍ୟମନ୍ତ୍ରୀ ବିଏସ୍. ୟେଦ୍ୟୁରୁପ୍ପା ଜିତିବା ପରେ ବାଚସ୍ପତି କେଆର ରମେଶ କୁମାର ତାଙ୍କ ପଦବୀରୁ ଇସ୍ତଫା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
