ଭୁବନେଶ୍ୱର:ଲୋୟର ସୁକତେଲ ପ୍ରକଳ୍ପ ଦ୍ୱାରା ବିସ୍ଥାପିତ ହେବାକୁ ଥିବା ଲୋକଙ୍କୁ ୨୦୧୩ ନୂଆ ଜମି ଅଧିଗ୍ରହଣ ନୀତି ଅନୁଯାୟୀ କ୍ଷତିପୂରଣ ଓ ଥଇଥାନ କରାଯିବାକୁ ସରକାରଙ୍କୁ ସୁପାରିଶ କରାଯିବ । ଦୀର୍ଘ ୭ବର୍ଷପରେ ଆଜି ବସିଥିବା ବୈଠକରେ ଏହି ନିଷ୍ପତି ନିଆଯାଇଛି । ଆଜିର ବୈଠକରେ ପ୍ରକଳ୍ପ କାମର ଅଗ୍ରଗତି, ବିଭିନ୍ନ ସମସ୍ୟାର ସମାଧାନ, କ୍ଷତିପୂରଣ ଓ ଥଇଥାନ ନେଇ ଆଲୋଚନା ହୋଇଥିଲା । ଉତ୍ତରାଞ୍ଚଳ ରାଜସ୍ୱ କମିଶନର ବୈଠକରେ ଅଧ୍ୟକ୍ଷତା କରିଥିଲେ ।
ବଲାଙ୍ଗୀର ଓ ସୋନପୁର ଜିଲ୍ଲାପାଳ,ଏସପି, ଏବଂ ବହୁ ବରିଷ୍ଠ ପ୍ରଶାସନିକ ଅଧିକାରୀଙ୍କ ସମେତ ବଲାଙ୍ଗୀର ବିଧାୟକ ନରସିଂହ ମିଶ୍ର,ଲୋଇସିଂହା ବିଧାୟକ ତଥା ରାଜ୍ୟ ଅଣୁ କ୍ଷୁଦ୍ର ଓ ସାଧାରଣ ଅଭିଯୋଗ ମନ୍ତ୍ରୀ ଯୋଗେନ୍ଦ୍ର ବେହେରା,ପାଟଣାଗଡ ବିଧାୟକ କେ.ପି ସିଂହଦେଓ ପ୍ରମୁଖ ଯୋଗଦେଇଥିଲେ । ତେବେ ପ୍ରକଳ୍ପକୁ ବିରୋଧ କରି ବୁଡି ଅଞ୍ଚଳ ସଂଗ୍ରାମ ପରିଷଦ କମୟକର୍ତ୍ତା ଯୋଗ ଦେଇନଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।