ବ୍ରହ୍ମପୁର(ଅଶୋକ ବ୍ରହ୍ମା): ମଦ ଦୋକାନ ଆଗରେ ପଡ଼ିଥିଲା ପଲିଥିନ। ଫାଇନ୍ ହେଲା ଲକ୍ଷେ ଟଙ୍କା। ବ୍ରହ୍ମପୁରରେ ଘଟିଛି ଏହି ଘଟଣା। ଆଉ ଏହି ଫାଇନ୍ ଲଗାଇଛନ୍ତି ଖୋଦ୍ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ।
ଆଜି ସକାଳେ ସାଇକେଲରେ ବୁଲି ସଫେଇ କାର୍ଯ୍ୟର ତଦାରଖ ପାଇଁ ବାହାରିଥିଲେ ଜିଲ୍ଲାପାଳ ଶ୍ରୀ କୁଲାଙ୍ଗେ। ଏହି ସମୟରେ ଏକ ମଦ ଦୋକାନ ଆଗରେ ପଲିଥିନ ପଡ଼ିଥିବା ଦେଖିବାକୁ ପାଇଥିଲେ। ଏହାପରେ ଏହି ଜୋରିମାନା ଲଗାଇଥିଲେ। କେବଳଏତିକି ନୁହେଁ, ସହରରେ ଥିବା ୪ ଜଳଖିଆ ଦୋକାନକୁ ୧୦ ହଜାର ଟଙ୍କା ଲେଖାଏ ଜୋରିମାନା କରିଛନ୍ତି ଜିଲ୍ଲାପାଳ।
ଜିଲ୍ଲାପାଳ ଜୋରିମାନା ପକାଇବା ସହ ଘର ଚତୁଃପାର୍ଶ୍ୱ ପରିଷ୍କାର ରଖିବାକୁ ସାଧାରଣ ଲୋକଙ୍କୁ ପରାମର୍ଶ ମଧ୍ୟ ଦେଇଥିଲେ। ଏଥିସହ ମ୍ୟୁନିସିପାଲିଟି ଗାଡ଼ି ଆସିବା ସମୟ ବୁଝିବା ସହ ସେମାନଙ୍କ କାମ ବି ତଦାରଖ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
