ଭୁବନେଶ୍ୱର( ଓଡ଼ିଶା ରିପୋର୍ଟର): ରାଜ୍ୟରେ ପ୍ରବଳ ଶୀତ ଜାରି ରହିଛି। ଆଜି ୧୧ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଛି। ୬ ଡିଗ୍ରୀ ସହ ସୋନପୁର ଓ ଫୁଲବାଣୀ ସବୁଠୁ ଥଣ୍ଡା ସହରରେ ପରିଣତ ହୋଇଛନ୍ତି। ଏଥିସହ ପୁରୀରେ ୬.୬ ଡିଗ୍ରୀ , ଟିଟିଲାଗଡ଼ରେ ୭.୧, ଦାରିଙ୍ଗବାଡ଼ିରେ ୭.୫, ଭବାନୀପାଟଣାରେ ୮.୫, କୋରାପୁଟରେ ୯, କେନ୍ଦୁଝରରେ ୯.୧, ଝାରସୁଗୁଡ଼ାରେ ୯.୪, ସମ୍ବଲପୁରରେ ୯.୬ ଓ ତାଳଚେରରେ ୯.୭ ଡିଗ୍ରୀ ତାପମାତ୍ରା ରହଥିବା ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି।
ଏନେଇ ପାଣିପାଗ କେନ୍ଦ୍ରର ଡ୍ୟୁଟି ଅଫିସର ମଦନମୋହନ ଦାସ କହିଛନ୍ତି, “କୋଲ୍ଡ ୱେଭ୍ ପାଇଁ ୫ଟି ସହରରୁ ସତର୍କ ସୂଚନା ଜାରି କରାଯାଇଛି। ଏହି ଜିଲ୍ଲା ଗୁଡ଼ିକ ହେଛି- ଅନୁଗୋଳ, ବୌଦ୍ଧ, ବଲାଙ୍ଗିର, କନ୍ଧମାଳ ଓ ନୟାଗଡ଼। ଏହିସବୁ ଜିଲ୍ଲାରେ କୋଲ୍ଡ ୱେଭ୍ କଣ୍ଡିସନ୍ ଦେଖାଦେବ।
ସେ ଆହୁରି କହିଛନ୍ତି, ଆସନ୍ତା ୨୪ ଘଣ୍ଟା ପାଇଁ ଘନକୁହୁଡ଼ି ନେଇ କୌଣସି ସତର୍କ ସୂଚନା ଜାରି କରାଯାଇ ନାହିଁ। ଆଗାମୀ ୫ ଦିନ ଯାଏ ଆକାଶ ମେଘ ମୁକ୍ତ ରହିବ। ଗୋଟିଏ ଦୁଇଟି ଜାଗାରେ ଆକାଶ ମେଘୁଆ ରହିପାରେ। ହେଲେ ବର୍ଷା ହେବାର କୌଣସି ସମ୍ଭାବନା ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
