ଅନୁଗୋଳ (ଓଡ଼ିଶା ରିପୋର୍ଟର): ୪ ଦଫା ଦାବିରେ ଆଜି ତାଳଚେର ସୁରକ୍ଷା ସମିତି ପକ୍ଷରୁ ୧୨ ଘଣ୍ଟିଆ ତାଳଚେର ବନ୍ଦ ଡାକରା ଦିଆଯାଇଛି।
ଆନ୍ଦୋଳନକାରୀମାନେ କୋଇଲା ଖଣି ବନ୍ଦ କରିବା ସହିତ ରେଳ ରୋକ କରିଛନ୍ତି। ଏହା ସହିତ ସହରରେ ଦୋକାନ-ବଜାର ବନ୍ଦ ରହିଛି। ଗାଡ଼ି ଚଳାଚଳ ବି ବନ୍ଦ ରହିଛି।
ଭୂଗର୍ଭ କୋଇଲା ଖଣି ଦ୍ୱାରା ତାଳଚେର ବିପଦ ସଂକୁଳ ହୋଇ ପଡ଼ିଥିବାରୁ ସହରକୁ ବିପଦମୁକ୍ତ କରିବାକୁ ସୁରକ୍ଷା ସମିତି ଦାବି କରିଛି। ଏହା ସହିତ ତାଳଚେରକୁ ପ୍ରଦୂଷଣ ମୁକ୍ତ ରଖିବା ପାଇଁ ପଦକ୍ଷେପ ନିଆଯାଉ ବୋଲି ଦାବି କରାଯାଇଛି।
ତାଳଚେର ସ୍ଥିତ ସରକାରୀ ଡାକ୍ତରଖାନାରେ ଆବଶ୍ୟକ ଡାକ୍ତର ନିଯୁକ୍ତ କରିବା ଓ ବାହ୍ମଣୀ ନଦୀରେ ନର୍ଦ୍ଦମା ପାଣି ମିଶୁଥିବାରୁ ଜଳ ପ୍ରଦୂଷଣକୁ ବନ୍ଦ କରିବା ସହିତ ତାଳଚେରବାସୀଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣର ବ୍ୟବସ୍ଥା କରିବାକୁ ମଧ୍ୟ ଦାବି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
