କେନ୍ଦୁଝର: ନୂଆଦିଲ୍ଲୀରେ ନିଖୋଜ ଥିବା କେନ୍ଦୁଝର ଜିଲ୍ଲାର ୧୮ଜଣ ଶିଶୁ ଶ୍ରମିକଙ୍କୁ ଉଦ୍ଧାର କରିଛି ପୋଲିସ୍। ସେମାନଙ୍କ ମଧ୍ୟରେ ୧୫ଜଣ ଝିଅ ଓ ୩ ଜଣ ପୁଅ ଅଛନ୍ତି। ୮ ମାସ ତଳେ ୨ ଜଣ ଦଲାଲ କେନ୍ଦୁଝର ନିପ୍ପୋ ଗାଁର ଏହି ପିଲାମାନଙ୍କୁ ଭୁବନେଶ୍ୱରରେ କାମ ଦେବାକୁ କହି ଦିଲ୍ଲୀ ନେଇଯାଇଥିଲା। ଏନେଇ ପିଲାମାନଙ୍କ ପରିବାର ଜିଲ୍ଲାପାଳଙ୍କୁ ଜଣାଇଥିଲେ। ଜିଲ୍ଲା ପ୍ରଶାସନ,ଚାଇଲଡ୍ ଲାଇନ୍ ଓ ପୋଲିସର ମିଳିତ ଉଦ୍ୟମ କ୍ରମେ ପିଲାମାନଙ୍କୁ ଉଦ୍ଧାର କରାଯାଇଛି। ଦିଲ୍ଲୀରେ ସେମାନଙ୍କୁ ଘରୋଇ କାମରେ ନିୟୋଜିତ କରାଯାଇଥିଲା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।