ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ବରଗଡ଼(ଓଡ଼ିଶା ରିପୋର୍ଟର): ବିଜେପୁର ଉପନିର୍ବାଚନ ପ୍ରଚାର ଟଙ୍କା ଜବତ ଘଟଣାରେ ପୋଲିସ ୨ ଜଣଙ୍କୁ ଗିରଫ କରିଛି। କାର୍‌ ମାଲିକ ଆକାଶ ଅଗ୍ରୱାଲ ଏବଂ ତାଙ୍କ ବାପା ଓମ୍‌ ପ୍ରକାଶ ଅଗ୍ରୱାଲଙ୍କୁ ଗିରଫ କରାଯାଇଛି। ପଦ୍ମପୁର ଥାନାରେ ଦୁଇ ଜଣଙ୍କ ନାଁରେ ମାମଲା ରୁଜୁ ହୋଇଛି।</p> <p>ଗତକାଲି ବରଗଡ଼ ଜିଲ୍ଲା ମହୁଲିପାଲି ଛକରୁ ଏକ କାର୍‌ରୁ ୪୦ ଲକ୍ଷ ୫୦ ହଜାର ଟଙ୍କା ଜବତ ହୋଇଥିଲା। ପଦ୍ମପୁର ପୋଲିସ ପକ୍ଷରୁ ମହୁଲିପାଲି ଚେକପୋଷ୍ଟରେ ଯାଞ୍ଚ ବେଳେ କାର୍‌ ଡିକିରୁ ଏତେ ପରିମାଣର ଟଙ୍କା ଜବତ ହୋଇଥିଲା। କାଲି ରାତିରେ OR 17 G 1855 ନମ୍ବର ବିଶିଷ୍ଟ କାର୍‌ଟି ପଦ୍ମପୁରରୁ ବିଜେପୁର ଅଭିମୁଖେ ଯାଉଥିଲା। ତେବେ ପୋଲିସର ସନ୍ଦେହ ହେବାରୁ କାରଟିକୁ ଯାଞ୍ଚ ବେଳେ ଏହି ଟଙ୍କା ଥିବା ଦେଖିବାକୁ ମିଳିଥିଲା। ଏହା ପୂର୍ବରୁ ମଧ୍ୟ ଗତ ୧୪ ତାରିଖରେ ଗାଇସିଲେଟ୍ ଥାନା ଅନ୍ତର୍ଗତ ତାଲପାଲି ଛକରୁ ୨ଟି କାରରୁ ୩ ଲକ୍ଷ ୨୦ ହଜାର ଟଙ୍କା ଜବତ ହୋଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।