ଟିଟିଲାଗଡ଼(ମାନସ ମହାନ୍ତି): ଟିଟିଲାଗଡ଼ ଗୁଲୁମି ଜଙ୍ଗଲରେ ଥିବା ଚୋରା ରତ୍ନପଥର ଖଣିରେ ଆଜି ଅଘଟଣ ଘଟିଛି। ରତ୍ନ ପଥର ଆଣିବା ପାଇଁ କୂଆ ଭିତରେ ପଶିବା ବେଳେ ମାଟି ଅତଡ଼ା ଖସିଥିଲା। ଫଳରେ ଘଟଣା ସ୍ଥଳରେ ଦୁଇ ଜଣଙ୍କ ମୃତ୍ୟୁ ଘଟିଥିଲା। ଅନ୍ୟମାନେ ଘଟଣା ସ୍ଥଳରୁ ଚମ୍ପଟ ମାରିଥିଲେ।
ଟିଟିଲାଗଡ଼ ଗୁଲୁମି ଜଙ୍ଗଲରେ ରହିଛି ଚୋରା ରତ୍ନ ପଥର କୂଅ। ଦୀର୍ଘ ଦିନ ଧରି ଏଠାରୁ ରତ୍ନ ପଥର ଚୋରା ଚାଲାଣ ହେଉଥିଲା। ସ୍ଥାନୀୟ ଲୋକେ ରତ୍ନ ପଥର ଉତ୍ତୋଳନ କରି ସ୍ଥାନୀୟ ମାର୍କେଟରେ ବିକ୍ରି କରୁଥିବାର ନଜିର ରହିଛି। ଆଜି କିଛି ସ୍ଥାନୀୟ ଲୋକ ସେହି କୂଆ ଭିତରେ ପଶିଥିଲେ। ୪୦ରୁ ୫୦ ଫିଟ୍ ଗଲା ପରେ କୂଅ ଭିତରେ ହଠାତ୍ ମାଟି ଅତଡା ଖସିଥିଲା। ଫଳରେ ଦୁଇ ଜଣ ମାଟି ଅତଡ଼ା ଭିତରେ ଫସି ଯାଇଥିଲେ। ଅନ୍ୟମାନେ ସେମାନଙ୍କୁ ମାଟି ଭିତରୁ ଉଦ୍ଧାର କରିଥିଲେ। ମାତ୍ର ସେତେବେଳକୁ ସେମାନଙ୍କ ମୃତ୍ୟୁ ଥିବା ଜଣାପଡ଼ିଛି। ସେମାନେ ହେଲେ ନବୀନ ଜାନୀ ଓ ଉଜ୍ଜ୍ୱଳ ଭୋଇ। ତେବେ ଅନ୍ୟମାନେ ସେଠାରୁ ଚମ୍ପଟ ମାରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
