ଭୁବନେଶ୍ୱର: ରାଜ୍ୟର ଦୁଇଟି ଲାଇମଷ୍ଟୋନ୍ ଖଣି ନିଲାମୀ ପାଇଁ ବୁଧବାର ବିଜ୍ଞପ୍ତି ପ୍ରକାଶ ପାଇଛି। ନୂଆପଡ଼ା ଜିଲ୍ଲା ଗାରାମୁରା ଲାଇମଷ୍ଟୋନ୍ ଖଣି ଓ ସୁନ୍ଦରଗଡ଼ ଜିଲ୍ଲା ଖଟପୁରା ବାହାଲ ଖଣି ନିଲାମୀ ନେଇ ବିଜ୍ଞପ୍ତିରେ ଉଲ୍ଲେଖ ରହିଛି । ଗାରାମୁରା ଲାଇମଷ୍ଟୋନ୍ ଖଣିରେ ୨.୭୯ ମିଲିୟନ ଟନ୍ ଏବଂ ଖଟପୁରା ବାହାଲ ଖଣିରେ ୯ ଦଶମିକ ୯ ମିଲିୟନ ଟନ୍ ଖଣିଜ ପଦାର୍ଥ ଗଛିତ ଥିବା ଜଣାପଡ଼ିଛି ।
ନିଲାମ ପାଇଁ ଆବେଦନର ଶେଷ ତାରିଖ ରହିଛି ଫେବୃୟାରୀ ୫ । ଫେବୃୟାରୀ ୧୦ ତାରିଖ ସୁଦ୍ଧା ବିଡିଂ ରିପୋର୍ଟ ବିଭାଗ ପାଖରେ ଦାଖଲ ହେବ। ଏହି ନିଲାମୀ ପ୍ରକ୍ରିୟାକୁ ଅନୁଧ୍ୟାନ କରିବା ପାଇଁ ଖଣି ସଚିବଙ୍କ ଅଧ୍ୟକ୍ଷତାରେ ଏକ ବୈଷୟିକ କମିଟି ଗଠନ ହୋଇଛି । ଗତ ୨୩ ତାରିଖରେ ରାଜ୍ୟର ପ୍ରଥମ ଖଣି ଭାବେ ସୁନ୍ଦରଗଡ଼ର ଘେରାବୁରାଣୀ-ସାଗାସାହି ଲୁହାପଥର ଖଣି ନିଲାମୀ ନେଇ ବିଜ୍ଞପ୍ତି ପ୍ରକାଶ ପାଇଥିଲା। ତେବେ ନିଲାମୀ ନେଇ ଚିହ୍ନଟ ହୋଇଥିବା ୭ଟି ଖଣି ଜି-ଥ୍ରୀ ଲେଭଲର ହୋଇଥିବାରୁ ଏଥିପାଇଁ ସରକାର କେନ୍ଦ୍ରର ଅନୁମତି ମାଗିଛନ୍ତି।
ଏପଟେ ମାଲକାନଗିରି ଜିଲ୍ଲାରେ ୨ଟି ଖଣିର ଜିପିଏସ୍ ସର୍ଭେ ଏବଂ ଜିଓଲୋଜିକାଲ ରିପୋର୍ଟ ଚଳିତ ମାସରେ କରାଯିବ ବୋଲି ଖଣି ବିଭାଗ ପକ୍ଷରୁ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
