ଦ୍ୱିତୀୟ ଦିନରେ ତାଳଚେରରେ ଅର୍ଥନୈତିକ ଅବରୋଧ

ଅନୁଗୋଳ: ତାଳଚେରରେ ଦ୍ୱିତୀୟ ଦିନ ପାଇଁ ଅର୍ଥନୈତିକ ଅବରୋଧ ଜାରି ରହିଛି। ଫଳରେ ଏମ୍‌ସିଏଲ୍‌ର ସବୁ କୋଇଲା ଖଣିରେ ଉତ୍ତୋଳନ ଓ ପରିବହନ କାର୍ଯ୍ୟ ବନ୍ଦ ରହିଛି। ଏଥିଯୋଗୁଁ ଏନ୍‌ଟିପିସି ଓ ନାଲକୋକୁ କୋଇଲା ପରିବହନରେ ବାଧା ଉପୁଜିଛି। ଗତକାଲି ଆନ୍ଦୋଳନକାରୀ ମାନେ ଟିଟିପିସି ଓ ଏମ୍‌ସିଏଲ୍‌ ଆଦି ପ୍ରତିଷ୍ଠାନର ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ। ଦୋକାନ ବଜାର ଉପରେ ମଧ୍ୟ ଅର୍ଥନୈତିକ ଅବରୋଧର ଆଂଶିକ ପ୍ରଭାବ ପଡ଼ିଛି।

ତାଳଚେର ମେଡିକାଲ କଲେଜରେ ଚଳିତବର୍ଷରୁ ପାଠପଢ଼ା, ଶିଳ୍ପ ଦ୍ୱାରା କ୍ଷତିଗ୍ରସ୍ତଙ୍କ ଥଇଥାନ୍‌, ତାଳଚେର ସାର କାରଖାନାର ପୁନରୁଦ୍ଧାର ଓ  ସ୍ୱତନ୍ତ୍ର କୋଲ୍‌ କରିଡର ପ୍ରତିଷ୍ଠା ସହିତ ୧୨ ଦଫା ଦାବି ନେଇ ତାଳଚେର ସୁରକ୍ଷାମଞ୍ଚ ପକ୍ଷରୁ ଅର୍ଥନୈତିକ ଅବରୋଧ କରାଯାଇଛି। ଗତକାଲି ସକାଳ ୫ଟାରୁ ଆରମ୍ଭ ହୋଇଥିବା ଏହି ଅବରୋଧ ୩୧ ତାରିଖ ସକାଳ ୫ଟା ପର୍ଯ୍ୟନ୍ତ ଚାଲିବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।