ଖୋର୍ଦ୍ଧା(ଓଡ଼ିଶା ରିପୋର୍ଟର): ଅଫୁଟା ବାଣରେ ଖେଳୁଥିବା ବେଳେ ତାହା ଫୁଟିଗଲା। ଫଳରେ ଗୁରୁତର ହେଲେ ୪ ନାବାଳକ । ଏପରି ଅଘଟଣ ଆଜି ଖୋର୍ଦ୍ଧା ଜିଲ୍ଲା ବାଘମାରୀ ଥାନା ଗଁପୁରରେ ଘଟିଛି।
ସୂଚନା ଅନୁଯାୟୀ, ଗଁପୁର ନିକଟରେ ସ୍ଥାନୀୟ ପାର୍କ ଉଦଘାଟନ ବେଳେ ବାଣ ଫୁଟାଯାଇଥିଲା । ଫଳରେ ସେଠାରେ କିଛି ଅଫୁଟା ବାଣ ପଡ଼ି ରହିଥିଲା। ଏହାପରେ ଆଜି ଉକ୍ତ ସ୍ଥାନରେ କିଛି ପିଲା ଖେଳୁଥିବା ବେଳେ ତାହା ଫୁଟିଥିଲା। ଫଳରେ ୪ ନାବାଳକ ଗୁରୁତର ହୋଇପଡ଼ିଛନ୍ତି।
ଗୁରୁତରମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ସେମାନଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।