ଜଳେଶ୍ୱର(ଅଜିତ ଦାସ): ଦିଘାରୁ ବୁଲାବୁଲି କରି ଫେରୁଥିବା ବେଳେ ଘଟିଲା ଦୁର୍ଘଟଣା। ଏକ ଅଜଣା ଗାଡ଼ି ପିଟି ଦେବାରୁ କାର୍ରେ ଥିବା ୫ ଜଣ ଗୁରୁତର ହୋଇଛନ୍ତି। ଏପରି ମର୍ମନ୍ତୁଦ ଦୁର୍ଘଟଣା ଗତକାଲି ବିଳମ୍ବିତ ରାତିରେ ବାଲେଶ୍ୱର ଜିଲ୍ଲା ଜଳେଶ୍ୱର ଅଧୀନ ସାତଶୁଳିଆ ଛକ ନିକଟରେ ଘଟିଛି।
ପ୍ରତ୍ୟକ୍ଷଦର୍ଶୀଙ୍କଠାରୁ ମିଳିଥିବା ସୂଚନା ଅନୁୟୀ, ୫ ଗୁରୁତରଙ୍କ ମଧ୍ୟରେ ଜଣେ ଜଳେଶ୍ୱରର ଥିବା ବେଳେ ୩ ଜଣ ଭୁବନେଶ୍ୱର ଓ ଜଣେ ବାଲେଶ୍ୱର ଅଞ୍ଚଳର। ସେମାନେ ଏକ କାର୍ ଯୋଗେ ଦିଘା ବୁଲିବାକୁ ଯାଇଥିଲେ। ସେଠାରୁ ଗତକାଲି ଫେରୁଥିବା ବେଳେ ସାତଶୁଳିଆ ଛକ ନିକଟରେ ଏକ ଅଜଣା ଗାଡ଼ି ସେମାନଙ୍କୁ ଧକ୍କା ଦେଇଥିଲା। ଦୁର୍ଘଟଣା ଏତେ ଭୟଙ୍କର ହୋଇଛି ଯେ, କାର୍ର ସମ୍ମୁଖ ଭାଗ ସମ୍ପୂର୍ଣ୍ଣ ଚୂରମାର ହୋଇ ଯାଇଛି।
ରାତିରେ ପ୍ରଚଣ୍ଡ ଶବ୍ଦ ଶୁଣି ନିକଟସ୍ଥ ଲୋକ ଘଟଣାସ୍ଥଳରେ ପହଞ୍ଚିଥିଲେ। ଏହାପରେ ସେମାନେ ଆମ୍ବୁଲାନ୍ସ ଡାକି ଗୁରୁତରଙ୍କୁ ଜଳେଶ୍ୱର ଡାକ୍ତରଖାନା ପଠାଇଥିଲେ। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ହେଲେ ଦୁର୍ଘଟଣା ଘଟାଇଥିବା ଗାଡ଼ି ସମ୍ପର୍କରେ କିଛି ପତ୍ତା ମିଳିପାରିନି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
