ସୋର (ଶଶୀକାନ୍ତ ବେହେରା): ଦୁଇ ଭାଇ ଗାଁରେ ବୁଲାଇଲେ ଖଣ୍ଡା। ଗୋଡ଼ାଇ ଗୋଡ଼ାଇ ଗାଁ ଲୋକଙ୍କୁ ହାଣିଲେ ଦୁଇ ଭାଇ। ଫଳରେ ୭ ଜଣ ଆହତ ହୋଇଛନ୍ତି। ଆକ୍ରମଣର ପ୍ରକୃତ କାରଣ ଜଣାପଡ଼ିନଥିବା ବେଳେ ପୂର୍ବ ଶତ୍ରୁତାରୁ ଆକ୍ରମଣ ହୋଇଥିବା ଅଭିଯୋଗ ହୋଇଛି।
ସୋର ଥାନା ଅନ୍ତର୍ଗତ ମହୁମୁହାଣ ପଞ୍ଚାୟତର କାଳନ୍ଦୀପାଟଣା ଗାଁ ମଧୁସୂଦନ ସେଠୀ ଓ ସୁଦର୍ଶନ ସେଠୀ ଦୁଇ ଭାଇ। ସେମାନଙ୍କ ନାଁରେ ବହୁ ଅପରାଧୀକ ମାମଲା ରହିଛି। ଯାହାକୁ ଗାଁ ଲୋକେ ବିରୋଧ କରୁଛନ୍ତି। ତେବେ ଆଜି ସନ୍ଧ୍ୟା ବେଳେ ୨ ଭାଇ ଗାଁରେ ଆତଙ୍କରାଜ ଚଳାଇଥିଲେ। ଖଣ୍ଡା ଧରି ଯାହାକୁ ପାରିଲେ, ତାକୁ ଗୋଡ଼ାଇ ଗୋଡ଼ାଇ ଆକ୍ରମଣ କଲେ। ଫଳରେ ପ୍ରହଲ୍ଲାଦ ସାହୁ, ଧ୍ରୁବ ଚରଣ ବେହେରା, କମଳାକାନ୍ତ ନାୟକ, ବାସନ୍ତି ବେହେରା, ଗଗନ ପଣ୍ଡା, ଜେମାମଣି ବେହେରା ଓ କମଳିନି ମହାରଣା ଆହତ ହୋଇଛନ୍ତି। ସେମାନଙ୍କୁ ମେଡିକାଲ୍ରେ ଭର୍ତ୍ତି କରାଯାଇଛି।
ଏନେଇ ସୋର ଥାନାରେ ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
