ଭୁବନେଶ୍ୱର (ଓଡ଼ିଶା ରିପୋର୍ଟର): ଗତ ୮ ଦିନରେ ଓଡ଼ିଶା ପୁଲିସ୍ ୮୯୪ ଜଣ ନିଖୋଜ ଶିଶୁଙ୍କୁ ଉଦ୍ଧାର କରିଛି। ଏକ ସ୍ବତନ୍ତ୍ର ଅପରେସନ୍ ନେଇ ପୁଲିସ୍ ଡିଜି ଅଭୟ ଏହି ସୂଚନା ଦେଇଛନ୍ତି। ଜାନୁଆରୀ ୨୮ରୁ ୨୫ ତାରିଖ ପର୍ଯ୍ୟନ୍ତ ନିଖୋଜ ଶିଶୁ ଉଦ୍ଧାର ଅଭିଯାନ ଚାଲିଥିଲା। ଏହି ୮ ଦିନ ଭିତରେ ପାଖାପାଖି ୯୦୦ ନିଖୋଜ ଶିଶୁଙ୍କୁ ଉଦ୍ଧାର କରାଯାଇଛି। ଉଦ୍ଧାର ହୋଇଥିବା ଶିଶୁଙ୍କ ମଧ୍ୟରୁ ୮୦୦ ଜଣ ବାଳିକା ଏବଂ ୯୪ଜଣ ବାଳକ ହୋଇଥିବା ଅଭୟ ସୂଚନା ଦେଇଛନ୍ତି।
ଏହି ତାଲିକାରେ ଆଗରେ ରହିଛି କେନ୍ଦ୍ରାପଡ଼ା, ଯେଉଁଠାରୁ ୧୨୭ ଜଣ ଶିଶୁଙ୍କୁ ଉଦ୍ଧାର କରାଯାଇଛି। ସେହିପରି ମୟୂରଭଞ୍ଜରୁ ୧୧୧, ବାଲେଶ୍ୱରରୁ ୮୮ ଜଣ ଉଦ୍ଧାର ହୋଇଛନ୍ତି। ତେବେ ବିଭିନ୍ନ ଜିଲ୍ଲା ଏସପିଙ୍କ ଦ୍ୱାରା ଏଭଳି କାର୍ଯ୍ୟକୁ ପ୍ରଶଂସା କରିଛନ୍ତି ଡିଜିପି ଅଭୟ।
ସୂଚନାଯୋଗ୍ୟ, ନ୍ୟାଶନାଲ୍ କ୍ରାଇମ୍ ରେକର୍ଡ୍ସ ବ୍ୟୁରୋ (NCRB) ତଥ୍ୟ ଅନୁଯାୟୀ, ଓଡ଼ିଶାରେ ୨୦୧୯ରେ ୨୭.୧ ପ୍ରତିଶତ ଶିଶୁ ନିଖୋଜ ମାମଲା ରେକର୍ଡ ହୋଇଛି। ଏହି ମାମଲାରେ ବିଜେପି ଓଡ଼ିଶା ସରକାରଙ୍କୁ ଟାର୍ଗେଟ୍ କରି କହିଥିଲା ଯେ ଗତ ଦୁଇ ବର୍ଷ ମଧ୍ୟରେ ରାଜ୍ୟରେ ୪ହଜାର ଶିଶୁ ନିଖୋଜ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
