ଗଣତନ୍ତ୍ର ନୁହେଁ ଜଣତନ୍ତ୍ରରେ ଚାଲିଛି ଦେଶ: ତ୍ରୁଟିପୂର୍ଣ୍ଣ ବିଧିବ୍ୟବସ୍ଥାକୁ କଟାକ୍ଷ‍ କଲା ‘ଧଡ଼ି ରାମାୟଣ’

<p>&lt;strong&gt;ଭୁବନେଶ୍ୱର:&lt;/strong&gt; ଆଜିର ସାମାଜିକ ବ୍ୟବସ୍ଥା ଓ ନୀତି ମିୟମ, ସାଧାରଣ ମଣିଷର ଜୀବନ ଦର୍ଶନକୁ ଉପହାସ କଲା ଭଳି ତିଆରି ହେଉଛି। ଏଠି ଶାସକର ବ୍ୟକ୍ତିଗତ ଇଚ୍ଛା ଗଣତନ୍ତ୍ରରେ ପରିଣତ ହେଉଛି। &lsquo;ଧଡ଼ିରାମ&rsquo; ଭଳି ଭଦ୍ରମୁଖା ପିନ୍ଧା ହିଂସ୍ର ଶାସକ ଦ୍ୱାରା ଆଜିର ସାମାଜିକ ଓ ଗଣତାନ୍ତ୍ରିକ ବ୍ୟବସ୍ଥା କବଳିତ ହେଉଛି। ସମାଜର ପ୍ରତ୍ୟେକ ସ୍ଥାନରେ ବର୍ତ୍ତମାନ ଗଣତନ୍ତ୍ର ବଦଳରେ ଏଭଳି ଧଡ଼ି ମାନଙ୍କ ତନ୍ତ୍ର ଚାଲିଛି। ଭୁବନେଶ୍ୱରସ୍ଥିତ ଭଞ୍ଜକଳା ମଣ୍ଡପରେ ପରିବେଷଣ ହୋଇଯାଇଛି, ଉତ୍ତର ପୁରୁଷ ନାଟ୍ୟ କର୍ମଶାଳା। କର୍ମଶାଳାର ଉଦଯାପନୀ ସଂଧ୍ୟାରେ ପରିବେଷିତ ହୋଇଥିଲା ନାଟକ &lsquo;ଧଡ଼ି ରାମାୟଣ&rsquo;। ଯେଉଁଥିରେ ପ୍ରତିଫଳିତ ହୋଇଥିଲା ସାମ୍ପ୍ରତିକ ସମାଜ ବ୍ୟବସ୍ଥାର ଅନେକ ଚିତ୍ର।</p> <p>ମନୋଜ ମିତ୍ରଙ୍କ ବଙ୍ଗଳା ନାଟକ &lsquo;ଧଡ଼ି ରାମାୟଣ&rsquo;ର ଓଡ଼ିଆ ରୂପାନ୍ତର କରିଥିଲେ ସୁରେଶ ବଳବନ୍ତରାୟ। ଅଭିନ୍ନ ରାଉତରାୟଙ୍କ ନିର୍ଦ୍ଦେଶନାରେ ନିଶିକାନ୍ତ, ଦୀପନ୍ୱିତ, ରଣେଶ, ଜଗନ୍ନାଥ, ଅମିତ୍, ସୁବାସ, ସ୍ମୃତି, ସାଲବେଗ, ସେବକ, ପ୍ରଭାସ, ରୋହନ, ଜ୍ୟୋତି, ଅମରେନ୍ଦ୍ର, ଅନ୍ତର୍ଯ୍ୟାମୀ, ଅମରଦୀପ, ବିଶ୍ୱଜିତ୍, ଶେଖର, ସତ୍ୟ, ସମ୍ବିତ, ଶେଫାଳି ଓ ଦୀପାଞ୍ଜଳି ପ୍ରମୁଖ ଅଭିନୟ କରିଥିଲେ।</p>