କଟକ (ଓଡ଼ିଶା ରିପୋର୍ଟର): ନାବାଳିକାକୁ ବାରମ୍ବାର ଦୁଷ୍କର୍ମ କରିବା ତଥା ଗର୍ଭବତୀ କରିବା ମାମଲାରେ ଦୋଷୀ ସାବ୍ୟସ୍ତ ଜଣେ ବ୍ୟକ୍ତିକୁ ଆଜୀବନ ଜେଲ ଦଣ୍ଡାଦେଶ ଦେଇଛନ୍ତି କଟକର ସ୍ୱତନ୍ତ୍ର ପୋକ୍ସୋ ଅଦାଲତ। ଏହି ଅପରାଧୀର ନାଁ ଖୋକନ୍ ମାଇତି। ଏଥି ସହ ପୀଡ଼ିତାଙ୍କୁ ୭ ଲକ୍ଷ ଟଙ୍କାର କ୍ଷତିପୂରଣ ଦେବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି।
୧୧ ଜଣ ସାକ୍ଷୀଙ୍କ ବୟାନ ଓ ୧୮ ଟି ଡକ୍ୟୁମେଣ୍ଟ ଆଧାରରେ କୋର୍ଟ ଆଜି ଏହି ଦଣ୍ଡାଦେଶ ଦେଇଛନ୍ତି। ଖୋକନ୍ ପୂର୍ବ ମେଦିନୀପୁରର ବାସିନ୍ଦା। ସେ ଟାଙ୍ଗୀ ଥାନା ଅଞ୍ଚଳରେ ଏକ ଭଡ଼ା ଘରେ ରହୁଥିଲା। ସେହି ଘର ଉପରେ ରହୁଥିବା ଜଣେ ନାବାଳିକାଙ୍କୁ ସେ ଦୁଷ୍କର୍ମ କରିଥିଲା। ନାବାଳିକା ଜଣଙ୍କ ଏକୁଟିଆ ଥିବା ବେଳେ ଖୋକନ୍ ଘଟାଇଥିଲା ଏହି ଜଘନ୍ୟ କାମ। ପରେ ସେ ନାବାଳିକା ଜଣଙ୍କୁ ବାରମ୍ବାର ଦୁଷ୍କର୍ମ କରି ଥିଲା। ନାବାଳିକା ଜଣଙ୍କ ଗର୍ଭବତୀ ହୋଇଥିଲେ। ତେବେ ଏ ସଂପର୍କରେ କାହାକୁ କିଛି ନକହିବା ପାଇଁ ସେ ନାବାଳିକାଙ୍କୁ ଧମକ ଦେଇଥିଲା।
କେବଳ ଏତିକି ନୁହେଁ, ଗର୍ଭନଷ୍ଟ କରିବା ପାଇଁ ପୀଡ଼ିତାକୁ କୋଲକାତା ମଧ୍ୟ ନେଇ ଯାଇଥିଲା ଖୋକନ୍। ତେବେ ପରବର୍ତ୍ତୀ ସମୟରେ ନାବାଳିକାଙ୍କ ପରିବାର ପକ୍ଷରୁ ଥାନାରେ ଏତଲା ଦିଆଯାଇଥିଲା। ପୁଲିସ୍ ଘଟଣାର ତଦନ୍ତ କରି ଖୋକନ୍କୁ କୋଲକାତାରୁ ଗିରଫ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
