ଭୁବନେଶ୍ୱର(ଓଡ଼ିଶା ରିପୋର୍ଟର): ସଡ଼କ ଦୁର୍ଘଟଣା ରୋକିବା ପାଇଁ ସରକାର କେତେ କଣ ପଦକ୍ଷେପ କରୁଛନ୍ତି। ଏହା ସତ୍ତ୍ୱେ ରାଜ୍ୟରେ କ୍ରମାଗତ ଭାବେ ଦୁର୍ଘଟଣା ଜନିତ ମୃତ୍ୟୁ ସଂଖ୍ୟା ବଢିବାରେ ଲାଗିଛି। ଏନେଇ ବିଧାନସଭାରେ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି।
ଗତ ଚାରି ବର୍ଷ ମଧ୍ୟରେ ୪୦ ହଜାରରୁ ଅଧିକ ରାସ୍ତା ଦୁର୍ଘଟଣା ହୋଇଛି। ସେଥିରେ ୧୮ ହଜାର ୬୮୩ଜଣଙ୍କ ମୃତ୍ୟୁ ହୋଇଛି। ୨୦୧୬ରେ ୧୦ ହଜାର ୫୩୨ଟି ଦୁର୍ଘଟଣାରେ ୪ ହଜାର ୪୬୩ ଜଣଙ୍କ ମୃତ୍ୟୁ ହୋଇଛି। ୨୦୧୭ରେ ୧୦ ହଜାର ୮୫୫ ଦୁର୍ଘଟଣାରେ ୪୭୯୦ ଜଣଙ୍କ ମୃତ୍ୟୁ ଘଟିଛି। ୨୦୧୮ରେ ୧୧ ହଜାର ୨୬୨ ଦୁର୍ଘଟଣାରେ ୫୩୧୫ ଜଣ ଲୋକ ମରିଛନ୍ତି। ଚଳିତବର୍ଷ ସେପ୍ଟେମ୍ୱର ସୁଦ୍ଧା ୮ ହଜାର ୨୦୩ଟି ଦୁର୍ଘଟଣାରେ ୪ ହଜାରରୁ ଅଧିକ ଜୀବନ ଯାଇଥିବା ପରିବହନ ମନ୍ତ୍ରୀ ସୂଚନା ଦେଇଛନ୍ତି।
ସେପଟେ ସଂଶୋଧିତ ନୂଆ ମୋଟର ଯାନ ନିୟମ ଲାଗୁହେବା ପରେ ଦୁର୍ଘଟଣା ହ୍ରାସ ପାଇଥିବା ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
