ଜଳେଶ୍ୱର(ଅଜିତ ଦାସ): ବାଲେଶ୍ୱର ଜିଲ୍ଲା ବସ୍ତା ଥାନା ଅନ୍ତର୍ଗତ ୬୦ ନମ୍ବର ଜାତୀୟ ରାଜପଥରେ ଯାଉଥିବା ଏକ ଘରୋଇ ବସ୍ରୁ ଗତ ବିଳମ୍ବିତ ରାତିରେ ଚୋରା ଏସିଟିକ୍ ଏସିଡ ଜବତ କରାଯାଇଛି। ପୁଲିସ୍ ବସ୍କୁ ଜବତ କରିଛି । ଏହି ଘଟଣାରେ ତିନି ଜଣଙ୍କୁ ଅଟକ ରଖି ପଚରାଉଚରା କରୁଛି ।
କୋଲକାତାରୁ ଧାମରା ଯାଉଥିବା ‘ନିଗମ’ ନାମକ ଏକ ଘରୋଇ ବସ୍ରେ ଚୋରା ଏସିଟିକ୍ ଏସିଡ ଯାଉଥିବା ପୁଲିସ୍ କୌଣସି ସୂତ୍ରରୁ ଖବର ପାଇଥିଲା। ଏହାପରେ ଗତକାଲି ବିଳମ୍ବିତ ରାତିରେ ଚଢ଼ଉ କରି ବସ୍ରୁ ଚୋରା ଏସିଟିକ୍ ଏସିଡ ଜବତ କରିଥିଲା।
ତେବେ ଏ ନେଇ ବସ୍ ମାଲିକଙ୍କର କୌଣସି ପ୍ରତିକ୍ରିୟା ମିଳିପାରିନି। ପୁଲିସ୍ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।