ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଜଗତସିଂହପୁର: ଜଗତସିଂହପୁରର ବହୁ ଚର୍ଚ୍ଚିତ ଏସିଡ୍ ଆକ୍ରମଣ ଘଟଣାରେ ଗିରଫ ୨ ଅଭିଯୁକ୍ତଙ୍କୁ ଗତକାଲି ଟିଆଇ ପରେଡ୍‌ରେ ଚିହ୍ନଟ କରିଛନ୍ତି ପୀଡ଼ିତା ଓ ତାଙ୍କ ମାଉସୀ ପୁଅ ଭାଇ। ପୀଡ଼ିତା ପ୍ରମୋଦିନୀ ରାଉଳ ଓ ଘଟଣା ସମୟରେ ଉପସ୍ଥିତ ଥିବା ତାଙ୍କ ଭାଇ ଭାସ୍କର ଦାସ ଜଗତସିଂହପୁର ଉପକାରାଗାରକୁ ଯାଇ ଟିଆଇ ପରେଡ୍‌ରେ ୨ ଅଭିଯୁକ୍ତଙ୍କୁ ଚିହ୍ନଟ କରିଛନ୍ତି।</p> <p>ଥାନା ଅଧିକାରୀ ଏବଂ ମାଜିଷ୍ଟ୍ରେଟଙ୍କ ଉପସ୍ଥିତିରେ ଜେଲ୍‌ର ଅନ୍ୟ ୨୫ କଏଦୀଙ୍କ ସହ ଦୁଇ ଅଭିଯୁକ୍ତ ସନ୍ତୋଷ ବେଦାନ୍ତ ଓ ସହଯୋଗୀ ବିଶ୍ୱଜିତ ଦଳସିଂରାୟଙ୍କୁ ଟିଆଇ ପରେଡ୍‌ରେ ହାଜର କରାଯାଇଥିଲା।</p> <p>ସୂଚନାଯୋଗ୍ୟ, ଗତ ୨୬ ତାରିଖରେ ଏହି ଘଟଣାର ମୁଖ୍ୟ ୨ ଅଭିଯୁକ୍ତ ଆର୍ମି ଯବାନ ସନ୍ତୋଷ କୁମାର ଓ ବିଶ୍ୱଜିତଙ୍କୁ ପୋଲିସ ୮ ବର୍ଷ ପରେ ଗିରଫ କରିଥିଲା। ସନ୍ତୋଷଙ୍କୁ କୋଲକାତାରୁ ଜଗତସିଂହପୁର ପୋଲିସ ଗିରଫ କରିଥିଲା। ସେହିପରି ନୟାଗଡ଼ ଜିଲ୍ଲା ରଣପୁର ଚମ୍ପାଗଡରୁ ବିଶ୍ୱଜିତକୁ ଗିରଫ କରାଯାଇଥିଲା। ୨୦୦୯ରେ ଏକତରଫା ପ୍ରେମକୁ ନେଇ ଘଟିଥିଲା ଏହି ଏସିଡ୍ ମାଡ। ଏହି ମାମଲାର ସୁରାକ ନ ପାଇ ପୋଲିସ ୨୦୧୨ରେ କେସ୍ ବନ୍ଦ କରି ଦେଇଥିଲା। ତେବେ ଓଟିଭିର ‘ଆଶାର ଆଲୋକ’ କାର୍ଯ୍ୟକ୍ରମରେ ଦୁଇଟି ସ୍ୱତନ୍ତ୍ର ଏପିସୋଡରେ ପ୍ରମୋଦିନୀଙ୍କ ସମ୍ପର୍କରେ ପ୍ରସାରିତ ହେବା ପରେ ଜଗତସିଂହପୁର ଏସଡିଜେଏମ୍‌ କୋର୍ଟଙ୍କ ନିର୍ଦ୍ଦେଶରେ ୨୦୧୭ ଅଗଷ୍ଟରେ ପୋଲିସ ଏହି ମାମଲା ରି-ଅପନ୍ କରିଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
