ଆଡପ ପହଣ୍ଡି ବେଳେ ଭକ୍ତ ରଥକୁ ଚଢିବା ଘଟଣାରେ ପ୍ରତିହାରୀ ସେବାୟତ ନିଲମ୍ୱିତ

ପୁରୀ: ତିନି ଠାକୁରଙ୍କ ଆଡପ ପହଣ୍ଡି ବେଳେ ଭକ୍ତ ରଥକୁ ଚଢିବାକୁ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରତିହାରୀ ସେବାୟତ ଆର୍ତ୍ତତ୍ରାଣ ପ୍ରତିହାରୀଙ୍କୁ ନିଲମ୍ୱିତ କରାଯାଇଛି । ଏହି ଘଟଣାରେ ବାଡଗ୍ରାହୀ ଜଗନ୍ନାଥ ସ୍ୱାଇଁ ମହାପାତ୍ରଙ୍କୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ନୋଟିସ ଜାରି କରାଯାଇଛି । ଶ୍ରୀମନ୍ଦିର ଆଇନ ଧାରା ୨୧(ବି) ଅନୁଯାୟୀ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।