ଭୁବନେଶ୍ୱର(ଓଡ଼ିଶା ରିପୋର୍ଟର): କେବଳ ଲୋକଙ୍କ ଜୀବନ ଯାତ୍ରା ନୁହେଁ। ହଜାର ହଜାର କ୍ଷୁଦ୍ର ବ୍ୟବସାୟୀଙ୍କ ପେଟପାଟଣା ଉପରେ ବି ଲାତ ମାରିଛି ଫୋନି । ଏପଟେ ଘରଦ୍ୱାର ସମ୍ଭାଳିବେ ନା ସେପଟେ ବ୍ୟବସାୟ। ବାତ୍ୟାରେ କାହାର ଦୋକାନ ଘର ଭାଙ୍ଗିଯାଇଛି ତ’ ଆଉ କାହାର ଛପର ଉଡ଼ିଯାଇଛି।
ନଷ୍ଟ ହୋଇଯାଇଛି ଲକ୍ଷ ଲକ୍ଷ ଟଙ୍କାର ବ୍ୟବସାୟ ସାମଗ୍ରୀ। ଏବେ ବିଜୁଳି ଓ ପାଣି ଅଭାବରୁ ବି ଅନେକ ବ୍ୟବସାୟ ପୁଣି ଥରେ ଆରମ୍ଭ କରିବାକୁ ଚାହୁଁଥିଲେ ବି ବ୍ୟବସାୟୀମାନେ ନାଚାର । କେଉଁଠି ଦୋକାନ ଘର ଉପରେ ଗଛ ପଡ଼ିଛି, ତ’ ଆଉ କେଉଁଠି ବିଦ୍ୟୁତ୍ ତାର ଓ ଖୁଣ୍ଟ ଉପୁଡ଼ି ପଡ଼ିଛି।
ପୁଣି ଆଉ କାହାର ପୁରା ଦୋକାନ ଭୁଶୁଡ଼ି ପଡ଼ିଛି । ଅନେକ କ୍ୟାବିନ୍ ଅଣଚାଶ ପବନରେ ନିଶ୍ଚିହ୍ନ ହୋଇଯାଇଛି। ଫୋନି ଦାଉ ସାଧିବା ପରେ, ଅନେକ କ୍ଷୁଦ୍ର ବ୍ୟବସାୟୀଙ୍କ ପାଇଁ ପୁଣିଥରେ ଅଣ୍ଟା ସଳଖି ଛିଡ଼ା ହେବା କାଠିକର ପାଠ ହୋଇଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
