ପଟ୍ଟାମୁଣ୍ଡାଇ: ଆଜିଠୁ ପୁଣି ପର୍ଯ୍ୟଟକଙ୍କ ପାଇଁ ଖୋଲିଛି ଭିତରକନିକା ଜାତୀୟ ଉଦ୍ୟାନ। କୁମ୍ଭୀର ପ୍ରଜଜନ ସମୟ ଥିବାରୁ ଗତ ତିନି ମାସ ଧରି ଭିତରକନିକା ବନ୍ଦ ରଖାଯାଇଥିଲା। ଏହି ସମୟରେ କୁମ୍ଭୀରମାନେ ଅଧିକ ହିଂସ୍ର ଆଚରଣ ପ୍ରଦର୍ଶନ କରୁଥିବାରୁ ଗତ ମେ ୧ ତାରିଖରୁ ଜୁଲାଇ ୩୧ ତାରିଖ ପର୍ଯ୍ୟନ୍ତ ପର୍ଯ୍ୟଟକଙ୍କୁ ଉଦ୍ୟାନ ଭିତରକୁ ଯିବାକୁ ବାରଣ କରାଯାଇଥିଲା।
ଗତ ୩ ମାସ ଭିତରେ ସ୍ଥାନୀୟ ଲୁଣା ଜଙ୍ଗଲ ଓ ନଦୀ କୂଳରେ ପ୍ରାୟ ୬୮ଟି କୁମ୍ଭୀର ବସା ଠାବ କରାଯାଇଥିଲା। କୁମ୍ଭୀର ଅଣ୍ଡା ଦେବାର ୭୫ଦିନ ପରେ ଛୁଆ ଫୁଟିବାର ନିୟମ ରହିଥିବାରୁ ପ୍ରାୟ ୯୦ଦିନର ବ୍ୟବଧାନ ପରେ ଭିତରକନିକା ପୁଣି ଖୋଲାଯାଇଥିବା ରାଜନଗର ବନ୍ୟପ୍ରାଣୀ ଡିଭିଜନ ଡିଏଫ୍ଓ ସୂଚନା ଦେଇଛନ୍ତି। ଜାନୁଆରୀ ୨୦୧୫ ସୁଦ୍ଧା ଭିତରକନିକାରେ ପ୍ରାୟ ୧ ହଜାର ୬୬୫ଟି କୁମ୍ଭୀର ରହିଥିବା ଗଣନା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।