ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପୁଣି ବିବାଦରେ ଫସିଛନ୍ତି ଓଲିଉଡ୍‌ ହାସ୍ୟ ଅଭିନେତା ପପୁ ପମ୍‌ପମ୍‌। ଜଣେ ମହିଳା ଆଇନଜୀବୀଙ୍କୁ ଧମକ ଦେବା ଅଭିଯୋଗରେ ପପୁଙ୍କ ନାଁରେ ଗତକାଲି କଟକ ସଦର ଥାନରେ ଅଭିଯୋଗ ହୋଇଛି। ସଂପୃକ୍ତ ମହିଳା ଆଇନ୍‌ଜୀବୀଙ୍କୁ ପପୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ଓ ଆସଦାଚରଣ କରିଥିବା ଏବଂ ହତ୍ୟା ଧମକ ଦେଇଥିବା ଅଭିଯୋଗରେ ଦର୍ଶାଯାଇଛି।</p> <p>ତେବେ ଏପରି ଅଭିଯଗକୁ ପପୁ ଖଣ୍ଡନ କରିଛନ୍ତି। ସେ କହିଛନ୍ତି, ତାଙ୍କ ନାଁରେ ଆସିଥିବା ଏଭଳି ଅଭିଯୋଗ ସମ୍ପୂର୍ଣ୍ଣ ମିଛ। ତାଙ୍କୁ ବଦ୍‌ନାମ୍‌ କରାଯିବାକୁ ଏପରି ଅଭିଯୋଗ କରାଯାଇଛି। ଆଇନଜୀବୀ ଜଣଙ୍କ ଆଣିଥିବା ଅଭିଯୋଗର ପ୍ରମାଣ ଦିଅନ୍ତୁ।</p> <p>ସେ କହିଛନ୍ତି, “ହୋଟେଲରେ ମୁଁ ଅସଦାଚରଣ କରିଥିବା ଅଭିଯୋଗ ମହିଳା ଜଣଙ୍କ ଆଣିଛନ୍ତି। ତା’ହେଲେ ସେ (ମହିଳା) ହୋଟେଲରେ ଲାଗିଥିବା ସିସିଟିଭି ଫୁଟେଜ ସହ ଅନ୍ୟ ପ୍ରମାଣ ଦେଖାନ୍ତୁ।”</p> <p>ସେ ଆହୁରି କହିଛନ୍ତି, “ମୁଁ ସେ ମହିଳାଙ୍କୁ ଦେଖିନାହିଁ। ସେ ସେଠାରେ ଥିଲେ କି ନାହିଁ ତାହା ମଧ୍ୟ ଜାଣିନାହିଁ। ଏମିତି ମିଛ ଅଭିଯୋଗ ଆଣୁଥିବାରୁ ମୁଁ ତାଙ୍କ ବିରୋଧରେ ଆଇନ୍‌ର ସାହାଯ୍ୟ ନେବେ।”</p> <p>ସୂଚନାଯୋଗ୍ୟ, କାଷ୍ଟିଙ୍ଗ କାଉଚ ଅଭିଯୋଗରେ ପୂର୍ବରୁ ପପୁ ଗିରଫ ହୋଇ ଜେଲ୍‌ ଯାଇଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।