ଆନନ୍ଦପୁର: ଆନନ୍ଦପୁର ଜେଲ ନିକଟରୁ ଗତକାଲି ବିଳମ୍ବିତ ରାତିରେ ସଶସ୍ତ୍ର ଡକାୟତି ହୋଇଛି। ୮ଜଣ ସଶସ୍ତ୍ର ଡକାୟତ ବନ୍ଧୁକ ଦେଖାଇ ଜେଲ ନିକଟରେ ରହୁଥିବା ହିନ୍ଦୁସ୍ଥାନ ପେଟ୍ରୋଲିୟମ ଗ୍ୟାସର ସ୍ଥାନୀୟ ବିତରକ ରାଜକିଶୋର ଦଳେଇଙ୍କ ଘରୁ ଟଙ୍କା ଓ ସୁନା ଲୁଟି ନେଇଥିଲେ । ବିଳମ୍ୱିତ ରାତିରେ ୮ ଜଣ ମୁଖାପିନ୍ଧା ଡକାୟତ ତାଙ୍କ ଘରେ ପଶି ବନ୍ଧୁକ ଦେଖାଇ ପରିବାର ଲୋକଙ୍କୁ ଗୋଟିଏ ଘରେ ଭର୍ତ୍ତି କରିଦେଇଥିଲେ। ପରେ ଆଲମିରା ଭାଙ୍ଗି ଲକରରେ ଥିବା ନଗଦ ୬୦ ହଜାର ଟଙ୍କା ଓ ପାଖାପାଖି ୧୫ ଭରି ସୁନା ଓ ରୁପା ଅଳଙ୍କାର ଲୁଟି ନେଇଥିଲେ। ଖବର ପାଇ ଆନନ୍ଦପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏହି ଘଟଣାରେ ୩ ଜଣଙ୍କୁ ଅଟକ ରଖି ପୋଲିସ ପଚରାଉଚରା କରୁଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
