ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରେ ୧୬ ଜଣ ନୂଆ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଭୁବନେଶ୍ୱର ମହାନଗର ନିଗମ (ବିଏମ୍ସି) ପକ୍ଷରୁ ଟ୍ୱିଟ୍ କରି ଏହି ସୂଚନା ଦିଆଯାଇଛି। ଏହା ସହିତ ଭୁବନେଶ୍ୱରରେ କରୋନା ଆକ୍ରାନ୍ତଙ୍କ ସଂଖ୍ୟା ୧୨୨ରେ ପହଞ୍ଚି ଯାଇଛି। ସେମାନଙ୍କ ମଧ୍ୟରୁ ୬୦ ଜଣ ସୁସ୍ଥ ହୋଇସାରିଥିବା ବେଳେ ୫୮ ଜଣ ଚିକିତ୍ସାଧୀନ ଅଛନ୍ତି। ୩ ଜଣଙ୍କ ମୃତ୍ୟୁ ଘଟିଛି।
ଏହି ୧୬ଟି ନୂଆ କେସ୍ ମଧ୍ୟରୁ ୧୪ ଜଣ ହୋମ୍ କ୍ୱାରେଣ୍ଟାଇନ୍ରେ ଥିଲେ। ଆଉ ୨ଟି ଲୋକେଲ୍ କେସ୍।
ହୋମ୍ କ୍ୱାରେଣ୍ଟାଇନ୍ରେ ଥିବା ୧୪ ଜଣଙ୍କ ମଧ୍ୟରୁ ୩ ଜଣ ପଟିଆର ଶ୍ରୀବିହାର ଅଞ୍ଚଳର। ସେମାନେ ଗୋଟିଏ ପରିବାରର ଓ ପୂର୍ବରୁ ପରିବାରର କରୋନା ଆକ୍ରାନ୍ତ ସଦସ୍ୟଙ୍କ ଠାରୁ ସଂକ୍ରମିତ ହୋଇଛନ୍ତି। ସେମାନଙ୍କ ମଧ୍ୟରେ ଜଣେ ୩୧ ବର୍ଷୀୟ ଯୁବକ ଥିବା ବେଳେ ଜଣେ ୬୫ ବର୍ଷୀୟ ବୃଦ୍ଧ ଓ ୫୮ ବର୍ଷୀୟା ମହିଳା ଅଛନ୍ତି।
ସେହିପରି ୨ ଜଣ ଜୟଦେବ ବିହାରର ବିଜୁ ପଟ୍ଟନାୟକ କଲେଜ ପାଖାପାଖି ଅଞ୍ଚଳର। ସେମାନଙ୍କ ମଧ୍ୟରୁ ଜଣେ ୭୨ ବର୍ଷୀୟ ବୃଦ୍ଧ ଓ ଜଣେ ୭୧ ବର୍ଷର ବୃଦ୍ଧା। ଉଭୟଙ୍କ ଟ୍ରାଭେଲ୍ ହିଷ୍ଟ୍ରୀ ରହିଛି। ସେମାନେ ଆମେରିକାରୁ ଫେରିଥିଲେ।
Update on newly detected #COVID19 cases in the last 24 hrs under the BMC area on 14th Jun 2020(till 9am).
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/6mGlI65hRW— BMC (@bmcbbsr) June 14, 2020
୨ଟି କେସ୍ ୟୁନିଟ୍-୪ ଶାସ୍ତ୍ରୀ ନଗର ଅଞ୍ଚଳର। ସେମାନଙ୍କ ମଧ୍ୟରୁ ଜଣେ ୭୫ ବର୍ଷୀୟ ବୃଦ୍ଧ ଓ ଅନ୍ୟ ଜଣେ ୪୦ ବର୍ଷୀୟ ଯୁବକ। ସେମାନଙ୍କର ଟ୍ରାଭେଲ୍ ହିଷ୍ଟ୍ରୀ ରହିଛି। ସେମାନେ କୋଲକାତା ଗସ୍ତ କରିଥିଲେ। ସେହିପରି ଜଣେ ଡୁମ୍ଡୁମା ଅଞ୍ଚଳର ୨୨ ବର୍ଷୀୟ ଯୁବକ ଓ ସେ ପୁନେରୁ ଫେରିଥିଲେ। କଳିଙ୍ଗ ବିହାର ଅଞ୍ଚଳରୁ ଜଣେ ୩୪ ବର୍ଷୀୟ ଯୁବକ ମଧ୍ୟ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ତାଙ୍କର ଟ୍ରାଭେଲ୍ ହିଷ୍ଟ୍ରୀ ରହିଛି। ସେ ଓମାନରୁ ଫେରି ହୋମ୍ କ୍ୱାରେଣ୍ଟାଇନ୍ରେ ଥିଲେ।
ସତ୍ୟନଗରରୁ ଗୋଟିଏ କେସ୍ ଆସିଛି। ୩୩ ବର୍ଷୀୟ ଏହି ଯୁବକ ଜଣଙ୍କର ଟ୍ରାଭେଲ୍ ହିଷ୍ଟ୍ରୀ ରହିଛି। ସେ ଦିଲ୍ଲୀ ଗସ୍ତ କରିଥିଲେ। ନୂଆପଲ୍ଲୀ ଶବର ସାହିର ଜଣେ ୫୪ ବର୍ଷୀୟ ବ୍ୟକ୍ତି ମଧ୍ୟ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ତାଙ୍କର ବି ଟ୍ରାଭେଲ୍ ହିଷ୍ଟ୍ରୀ ରହିଛି। ସେ ଚେନ୍ନାଇରୁ ଫେରିଥିଲେ। ରସୁଲଗଡ଼ର ନେତାଜୀ ବିହାରର ଜଣେ ୪୭ ବର୍ଷୀୟ ବ୍ୟକ୍ତି କରୋନାରେ ଆକ୍ରାନ୍ତ ହୋଇଛନ୍ତି। ସେ ଗୁରଗାଁଓରୁ ଫେରିଥିଲେ। ଯଦୁପୁରର ଜଣେ ୩୧ ବର୍ଷୀୟ ଯୁବକ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ତାଙ୍କର ଟ୍ରାଭେଲତ ହିଷ୍ଟ୍ରୀ ଥିଲା ଓ ସେ ଦିଲ୍ଲୀରୁ ଫେରିଥିଲେ। ଆଉ ଜଣେ ୟୁନିଟ୍ ୩ର ମସ୍ଜିଦ୍ କଲୋନୀର। ସେ ଜଣେ ୬୦ ବର୍ଷୀୟା ମହିଳା। ତାଙ୍କର ସଂପର୍କୀୟ କୋଲକାତାରୁ ଫେରିଥିଲେ।
ଦୁଇଟି ଲୋକାଲ୍ କେସ୍ ମଧ୍ୟରୁ ଜଣେ ପଳାଶୁଣିର କପିଳେଶ୍ୱର ବିହାରର। ସେ ଜଣେ ୨୫ ବର୍ଷୀୟ ଯୁବକ। ସେ ନିକଟରେ ଭଦ୍ରକରୁ ଫେରିଥିଲେ। ଅନ୍ୟ ଜଣେ ଏଠାକାର ଏକ ଘରୋଇ ହସ୍ପିଟାଲ୍ର ଜଣେ ୩୨ ବର୍ଷୀୟ କର୍ମଚାରୀ ବୋଲି ବିଏମ୍ସି ସୂଚନା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
