ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ସୋର (ଓଡ଼ିଶା ରିପୋର୍ଟର): ରାତି ଅଧିଆ ଏଟିଏମ୍‌ରୁ ଟଙ୍କା ଲୁଟିଲେ। ପରେ ଏଟିଏମ୍‌କୁ ଭାଙ୍ଗି ଉଠାଇ ନେବାକୁ ଉଦ୍ୟମ କରୁଥିଲେ। ମାତ୍ର ସମ୍ଭବ ହୋଇନଥିବାକୁ ଛାଡ଼ି ପକାଇ ଗଲେ। ଏପରି ହାଇଟେକ୍‌ ଲୁଟ୍‌ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ବାହାନଗା ବଜାରରେ।</p> <p>ବାହାନଗା ହସ୍‌ପିଟାଲ ପାଖରେ ରହିଛି ଏକ ଏସ୍‌ବିଆଇ ଏଟିଏମ୍‌। ଗତକାଲି ବିଳମ୍ୱିତ ରାତିରେ ଦୁର୍ବୃତ୍ତମାନେ ଏଟିଏମ୍‌ ଭିତରେ ପଶିଥିଲେ। ପ୍ରଥମେ ଏଟିଏମ୍‌ର ପ୍ରିଣ୍ଟର ଭାଙ୍ଗି ଫିଙ୍ଗି ଦେଇଥିଲେ। ପରେ ଡ୍ରୟର ଭାଙ୍ଗି ଟଙ୍କା ନେଇ ଯାଇଥିଲେ। ମାତ୍ର ସବୁ ଡ୍ରୟର ଭାଙ୍ଗି ନପାରିବାରୁ ଏଟିଏମ୍‌ଟିକୁ ଉଠାଇ ନେଇଯିବାକୁ ଚେଷ୍ଟା କରିଥିଲେ। ହେଲେ ସଫଳ ହୋଇନଥିଲେ। ଶେଷରେ ଜାତୀୟ ରାଜପଥ ପାଖରେ ଫିଙ୍ଗି ପଳାଇ ଯାଇଥିଲେ।</p> <p>ଆଜି ସକାଳେ ରାସ୍ତା କଡ଼ରେ ଏଟିଏମ୍‌ ପଡ଼ିଥିବା ଦେଖି ସ୍ଥାନୀୟ ଲୋକେ ସୋର ଥାନାକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଏନେଇ ଏସ୍‌ବିଆଇ କର୍ତ୍ତୃପକ୍ଷଙ୍କୁ ସୂଚନା ଦେଇଥିଲେ। ମାତ୍ର ଏହି ଏଟିଏମ୍‌ରୁ କେତେ ଟଙ୍କା ଲୁଟ୍‌ ହୋଇଛି ତାହା ଜଣାପଡ଼ିନି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
