ଡାକ୍ତରଖାନାରେ ୩ବର୍ଷର ନାବାଳିକାକୁ ମାଆ ପାଖରୁ ଡାକିନେଇ…

ସମ୍ବଲପୁର( ଓଡ଼ିଶା ରିପୋର୍ଟର): ନାରୀଙ୍କୁ ସମ୍ମାନ ଦିଆଯିବ। ସେମାନଙ୍କ ମର୍ଯ୍ୟାଦା କିପରି ସୁରକ୍ଷିତ ରହିବ, ସେଥିପାଇଁ ସମସ୍ତେ ଗରୁତ୍ୱାରୋପ ଦେଉଛନ୍ତି। ସରକାରୀ ଓ ବେସରକାରୀ ସ୍ତରରେ ଏନେଇ ବିତର୍କ କରାଯାଉଛି। ମହିଳାମାନେ ନିଜକୁ  କିପରି ସୁରକ୍ଷିତ ରଖିପାରିବେ ସେଥିପାଇଁ ସେମାନଙ୍କୁ ତାଲିମ ଦିଆଯାଉଛି। ମହିଳାଙ୍କୁ ଖରାପ ବ୍ୟବହାର କଲେ କଡ଼ା ଦଣ୍ଡ ବିଧାନ ରହିଛି। ତଥାପି ମହିଳା ଅସୁରକ୍ଷିତ! ଆମ ସମାଜରେ ଏପରି କାଣ୍ଡ ଘଟୁଛି, ଯାହା ଆଗରେ ଲଜ୍ଜାରେ ଆମ ମୁଣ୍ଡ ନଇଁ ଯାଉଛି। ଘରେ, ବାହାରେ ଓ ଡାକ୍ତରଖାନାରେ ବି  ଆଜି ମହିଳା ଅସୁରକ୍ଷିତ।  ଯେଉଁଠି ରୋଗୀଟି  ଜୀବନ ବଞ୍ଚାଇବା ପାଇଁ ଦୌଡ଼ି ଯାଇଥାଏ।  ସେଠାରେ ବି ଆଜି ମହିଳା ଅସୁରକ୍ଷିତ। ସେଠାରେ ବି ନରରୂପି ରାକ୍ଷସ ରହିଛନ୍ତି। ଯାହାଙ୍କ ଲୋଲୁପ ଦୃଷ୍ଟି ସଭ୍ୟ ସମାଜଙ୍କୁ କଳଙ୍କିତ କରି ଦେଉଛି। ଆଜି ଏଭଳି ଏକ  ଅଭିଯୋଗ ଆସିଛି ସମ୍ବଲପୁରରୁ। ସମ୍ବଲପୁର ସଦର ମେଡିକାଲରେ ଜଣେ ୩ବର୍ଷର ନାବାଳିକାକୁ ଦୁଷ୍କର୍ମ  କରିବାକୁ ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ରୋଗିଣୀ  ମାଆ ପାଖରେ ଶିଶୁକନ୍ୟା ଥିବାବେଳେ ତାକୁ ଡାକିନେଇ ଦୁଷ୍କର୍ମ ଉଦ୍ୟମ  କରାଯାଇଛି। ଏନେଇ ଥାନାରେ ଅଭିଯୋଗ କରାଯାଇଛି। ପୋଲିସ୍‌ ଘଟଣାର ତଦନ୍ତ କରୁଛି।

 

 

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।