ମରିଯାଉଥିବା ମଣିଷ ପଣିଆର ନଗ୍ନ କାହାଣୀ: କେଉଁଠି ମାଟିତଳୁ ଜୀବନ୍ତ ଶିଶୁକନ୍ୟା ଉଦ୍ଧାର ତ’ ଆଉ କେଉଁଠି ଛୁଆକୁ ଛାଡ଼ି ଚାଲିଗଲା ମା’

<p>ଭୁବନେଶ୍ୱର,(ଓଡ଼ିଶା ରିପୋର୍ଟର): ପୁଣି ଅଲୋଡ଼ା ଶିଶୁ କନ୍ୟା । ଭୂମିଷ୍ଠ ହେବାର କେଇ ମୂହୁର୍ତ୍ତ ପରେ ନିଜ ରକ୍ତ ଓ ହୃଦୟର ସବୁ ସମ୍ପର୍କ ତୁଟାଇ କନ୍ୟା ରତ୍ନକୁ ମରଣ ମୁହଁକୁ ଠେଲି ଦେଲା ପରିବାର। &nbsp;କେବଳ ଏ ଗୋଟିଏ ଘଟଣା ନୁହେଁ। &nbsp;ଆଉ କେଉଁଠି ଜନ୍ମକଲା ପୁଅକୁ ଅଳିଆ ଗଦାରେ ଫିଙ୍ଗି ଦେଇଛି ତ&rsquo; କେଉଁଠି ପୁଅକୁ ଅଜଣା ସ୍ଥାନରେ ଛାଡ଼ି&nbsp; ଚାଲିଯାଇଛି ମା&rsquo;। ରାଜ୍ୟର ବିଭିନ୍ନ ସ୍ଥାନରେ ଆଜି ଦେଖିବାକୁ ମିଳିଛି ଏମିତି ହୃଦୟ ବିଦାରକ ୩ଟି ଘଟଣା।</p><p>&lt;strong&gt;ରକ୍ତକୁ ବି ଚିହ୍ନିଲାନି ଜନ୍ମକଲା ମା&rsquo;&lt;/strong&gt;</p><p>ରକ୍ତକୁ ବି ଚିହ୍ନିଲାନି ଜନ୍ମକଲା ମା&rsquo; । ୧୦ ମାସ ୧୦ ଦିନ ଗର୍ଭରେ ଧରି ବି ବୁଝି ପାରିଲାନି ସନ୍ତାନର ସ୍ନେହ । ଝିଅଟିଏ ଜନ୍ମ ହେବାରୁ ଶେଷରେ ଠେଲିଦେଲା ମରଣ ମୁହଁକୁ। &nbsp;ସୁନ୍ଦରଗଡ଼ ଜିଲ୍ଲା ଟିକାୟତପଲ୍ଲ୍ଲୀରୁ ଉଦ୍ଧାର ହୋଇଥିବା ଏ କଅଁଳ ଶିଶୁକନ୍ୟା ଆଲୁଅ ଦେଖିବାର ୨୪ ଘଣ୍ଟା ପୁରିନି। &nbsp;ହେଲେ ତା ପୂର୍ବରୁ ହୋଇଗଲା ଅଲୋଡ଼ା। &nbsp;ଟିକାୟତପଲ୍ଲୀର ଦୁର୍ଗମ ଜଙ୍ଗଲିଆ ଅଂଚଳର ଏକ ନାଳ ନିକଟରୁ&nbsp; ଉଦ୍ଧାର ହୋଇଛି ଦୁଇ ଦିନର ଶିଶୁକନ୍ୟା। &nbsp;ଶିଶୁଟିକୁ ଗତକାଲି କେହି ପୋତି ଦେଇଥିବା ଅନୁମାନ କରାଯାଉଛି। &nbsp;ଗାଁର କିଛି ଲୋକ କାନ୍ଦ ଶୁଣି, ମାଟି ଭିତରେ ପୋତାଯାଇଥିବା ଶିଶୁଟିକୁ ଆଜି ଉଦ୍ଧାର କରିଥିଲେ।</p><p>&lt;strong&gt;ବାଙ୍କି ବ୍ରହ୍ମପୁରା ଘଟଣା&lt;/strong&gt;</p><p>କଟକ ଜିଲ୍ଲା ବାଙ୍କି ବ୍ରହ୍ମପୁରା ଗାଁର ଘଟଣା ଆହୁରି ହୃଦୟ ବିଦାରକ । &nbsp;ଏଠି ଏକ ଶିଶୁପୁତ୍ରକୁ ଅଳିଆ ଗଦାରେ ଫିଙ୍ଗି ଦେଇ ନିଷ୍ଠୁରତାର ସବୁ ସୀମା ଟପି ଯାଇଛନ୍ତି ଆତ୍ମୀୟ । ଦୁନିଆ ଦେଖାଇବାର ମାତ୍ର କେଇ ମୂହୁର୍ତ୍ତ ପରେ ସଦ୍ୟଜାତ ସନ୍ତାନକୁ ଅଲୋଡ଼ା ଭାବି ଫିଙ୍ଗି ଦେଇଛନ୍ତି ସମ୍ପର୍କୀୟ । ଆଜି ସକାଳେ ଶିଶୁଟିକୁ ମୃତ ଅବସ୍ଥାରେ ଉଦ୍ଧାର ପରେ ପୋଲିସକୁ ଖବର ଦେଇଥିଲେ ଗାଁ ଲୋକେ।</p><p>&lt;strong&gt;କେନ୍ଦୁଝର ଜିଲ୍ଲା ହରିଚନ୍ଦନପୁର ହାଟ ପଡ଼ଇା ଘଟଣା&lt;/strong&gt;</p><p>ଏଠି ଦେବକୀ ନୁହେଁ ବରଂ ଯଶୋଦା ମା&rsquo; କୋଳରେ ଖେଳୁଛି ଅଲୋଡ଼ା ଶିଶୁପୁତ୍ର । କେନ୍ଦୁଝର ଜିଲ୍ଲା ହରିଚନ୍ଦନପୁର ହାଟ ପଡ଼ଇା ନିକଟ ଶନି ମନ୍ଦିରରୁ ଉଦ୍ଧାର ହୋଇଛି ଅପରିଚିତ ଶିଶୁ। &nbsp;ଆଜି ଭୋରରୁ ଜଣେ ମହିଳା ଶିଶୁଟିକୁ ମନ୍ଦିର ଭିତରେ ଛାଡ଼ି ଚାଲିଯାଇଥିବା ସ୍ଥାନୀୟ ଲୋକେ କହିଛନ୍ତି । ଦୀର୍ଘ ସମୟ ଧରି ଶିଶୁଟି କାନ୍ଦିବା ପରେ ତାକୁ କିଛି କୁକୁର ଘେରି ଅଘଟଣ ଘଟାଇବା ପୂର୍ବରୁ ଜଣେ ସ୍ଥାନୀୟ ବ୍ୟକ୍ତି ଶିଶୁପୁତ୍ରକୁ ଉଦ୍ଧାର କରିଥିଲେ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।