ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶାରୁ ଗୋଆ ଯାଏ ଲମ୍ବିଛି ବ୍ରଜକାପ୍ତା ଚୋରା ଚାଲାଣ ଲିଙ୍କ । କୁଖ୍ୟାତ ବ୍ରଜକାପ୍ତା ଚାଲାଣକାରୀ ମାଧବଚନ୍ଦ୍ର ପାତ୍ରଙ୍କୁ ପଚରାଉଚରା କରିବା ପରେ ଏନେଇ ତଥ୍ୟ ମିଳିଛି । ସାତକୋଶିଆରୁ ବ୍ରଜକାପ୍ତା ଧରିବା ପରେ ଏହାକୁ ଓଡ଼ିଶାର ବିଭିନ୍ନ ସ୍ଥାନକୁ ଚାଲାଣ କରାଯାଉଥିଲା। ଢେଙ୍କାନାଳ, ନରସିଂହପୁର ଏବଂ ନୟାଗଡ଼ ଭଳି ଅଞ୍ଚଳରୁ କିଛି ଲୋକଙ୍କୁ ନେଇ ନିଜ ସାମ୍ରାଜ୍ୟ ବିସ୍ତାର କରିଥିଲା ମାଧବଚନ୍ଦ୍ର ।
ଖାଲି ବ୍ରଜକାପ୍ତା ନୁହେଁ ହାତୀ ଦାନ୍ତ ସ୍ମଗଲିଂ ଓ ଜାଲ୍ ନୋଟ୍ କାରବାରରେ ମଧ୍ୟ ବେଶ ସକ୍ରିୟ ଥିଲା ମାଧବ । ଏବେ ମାଧବକୁ ରିମାଣ୍ଡରେ ଆଣି ପଚରାଉଚରା କରିବା ପରେ ବନବିଭାଗ ହାତରେ ଲାଗିଛି କିଛି ଗୁରୁତ୍ୱପୂର୍ଣ୍ଣ ତଥ୍ୟ । ମାଧବ ସହ ଅନ୍ୟ ୧୦ ଜଣଙ୍କର ଏଥିରେ ସଂପୃକ୍ତି ରହିଛି । ମାଧବଠୁ ତଥ୍ୟ ମିଳିବା ପରେ ଏନେଇ ଖୋଲତାଡ଼ କରୁଛି ବନ ବିଭାଗ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
