ସାଲେପୁର(ଓଡ଼ିଶା ରିପୋର୍ଟର): କଟକ ଜିଲ୍ଲା ମୁତାରିଫା ପଞ୍ଚାୟତର ଭୟରପୁର ଗାଁରେ ୧୦ରୁ ଊର୍ଦ୍ଧ୍ୱ ଲୋକଙ୍କ ନାମରେ ବ୍ୟାଙ୍କରେ ଜାଲିଆତି କରି ଲୋନ୍ ଉଠାଇ ଲକ୍ଷାଧିକ ଟଙ୍କା ଠକେଇ ହେଇଥିବା ଅଭିଯୋଗ ହୋଇଛି। ଦୀର୍ଘ ୮ମାସ ତଳୁ ଲୋନ ହେଇ ନସୁଝିବାରୁ ଶେଷରେ ବ୍ୟାଙ୍କ କର୍ମଚାରୀ ଘରକୁ ନୋଟିସ ନେଇ ପହଞ୍ଚିବାରୁ ଏହି ଘଟଣା ସାମ୍ନାକୁ ଆସିଛି।
ଜାଲ ଦସ୍ତଖତ ଓ ଅଜଣା ଲୋକଙ୍କ ଫଟୋ ଲଗାଇ ସାଲେପୁର ଶାଖା ଏଚ୍ଡିଏଫ୍ସି ବ୍ୟାଙ୍କରେ ଏଭଳି ଠକେଇ ହୋଇଥିବା ସାଲେପୁର ଥାନାରେ ଅଭିଯୋଗ ହୋଇଛି। ଏନେଇ ଯେଉଁମାନଙ୍କ ନାମରେ ଜାଲିଆତି ହୋଇଛି ସେମାନେ ଥାନାରେ ଦ୍ୱାରସ୍ଥ ହୋଇଥିଲେ। ଉକ୍ତ ପଞ୍ଚାୟତର ସଞ୍ଜୁ ବେହେରା, ଜୁଲି ଦାଶ, ପ୍ରତିମା ବେହେରା ପ୍ରମୁଖ ଏମିତି ଅଭିଯୋଗ ଆଣିଛନ୍ତି।
ମିଲି ପ୍ରଭା ଆଚାର୍ଯ୍ୟ ନାମକ ଜଣେ ଅଭିଯୋଗକାରୀ କହିଛନ୍ତି ଯେ, ଆମେ ଏ ବିଷୟରେ କିଛି ଜାଣି ନଥିଲୁ ବ୍ୟାଙ୍କ୍ ସାର ଗଲା ପରେ ଜାଣିଲୁ। ପୁଲିସ ଏହି ଘଟଣାକୁ ଗୁରୁତର ସହ ନେଇ ତଦନ୍ତ ଆରମ୍ଭ କରିଛି। ଅନ୍ୟପଟେ ଏଭଳି କୌଣସି ଲିଖିତ ଅଭିଯୋଗ ହୋଇ ନାହିଁ ବୋଲି ବ୍ୟାଙ୍କ ଶାଖା ପରିଚାଳକ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
