ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ(ଓଡ଼ିଶା ରିପୋର୍ଟର): କିଏ ମୁନା ଡାକୁଥିଲା ତ କିଏ କୁନା। ତା ଦେହରେ ଟିକେ କିଏ ହାତ ମାରିଲେ ତା’ ମା’କୁ ଭାରି ବାଧୁଥିଲା । ତା ଗୋରା ତକ୍‌ତକ୍‌ ଦେହକୁ କିଏ ଛୁଇଁଦେଲେ କଅଁଳିଆ ଦେହଟା ତାର ନାଲି ପଡି ଯାଉଥିଲା। ସେ କୁଆଁ କୁଆଁ ହୋଇ କାନ୍ଦୁଥିଲା। ତାର ସେଇ କାନ୍ଦରେ ଫାଟି ପଡୁଥିବା ଘର ଆଜି କିନ୍ତୁ ଖାଁ ଖାଁ ଲାଗୁଛି। ୧୦ମାସ ୧୦ ଦିନ ପେଟର ରଖି ଜନ୍ମ ଦେଇଥିବା ମା’ ଆଖିରୁ ଶୁଖୁନି ଲୁହ। ମାଙ୍କଡ ତା’ କୋଳରୁ ପୁଅକୁ ଛଡାଇ ମାରିଦେଇଛି। ଏ କଥା ଭାବିଲା ବେଳକୁ ତା ଛାତି ଫାଟି ଯାଉଛି।</p> <p>ଆମେ କହୁଛୁ କଟକ ଜିଲା ବାଙ୍କୀର ତାଲବସ୍ତା ଗାଁର କଥା। ଯେଉଁଠି କାଲି ମା’ କୋଳରୁ ୧୫ ଦିନର ଛୁଆକୁ ମାଙ୍କଡ ନେଇ ଯାଇଥିଲା। ଆଉ ଆଜି ସେଇ ଛୁଆର ମଲା ମୁହଁ ଦେଖୁଛନ୍ତି ହତଭାଗ୍ୟ ପରିବାର ଲୋକେ। ଆଉ କାନ୍ଦିକାନ୍ଦି ଯାହା କହୁଛନ୍ତି ଶୁଣିଲେ ଆପଣ ବି କାନ୍ଦି ପକାଇବେ।</p> <p>ଦୁନିଆ ଦେଖିବା ଆଗରୁ ଛୁଆଟି ଚାଲିଗଲା। ମାତ୍ର ୧୫ ଦିନର ଆୟୁଷ ନେଇ ବୋଧହୁଏ ସେ ଆସିଥିଲା। ଯେଉଁଦିନ ସେ ଜନ୍ମ ହୋଇଥିଲା, ପୁଅ ହୋଇଛି ବୋଲି ସମସ୍ତଙ୍କ ମନରେ କେତେ ଖୁସି କେତେ ଆଶା ଭରିଦେଇଥିଲା । ବାପା, ମାଆ ତାର ହଜାର ସ୍ୱପ୍ନ ଦେଖିଥିଲେ। ବଡ଼ ହେଲେ ପୁଅ ବଡ଼ ମିଣିଷ ହେବ, ସାହେବ ହେବ ଏମିତି ଅନେକ କିଛି। କିନ୍ତୁ ସେ ସ୍ୱପ୍ନବି ମଉଳିଗଲା ଏଇ ୧୫ଟା ଦିନ ଭିତରେ।</p> <p>ଏମିତି କଥାକୁ ନେଇ ଆଜି ଉଠୁଛି ପଡୁଛି ତାଳବସ୍ତା ଗାଁ। ଏଇ କଥା ଘରେ ଘରେ ପଡିଛି। ଲୋକେ କହୁଛନ୍ତି ଦଇବର ଗତିକୁ କିଏ ବା ଅଟକେଇ ପାରିବ। କିନ୍ତୁ ସେହି ମା’ର ମନକୁ କିଏ ବୁଝେଇବ କହିଲେ ଦେଖି। ଆଉ ସେଇଥିପାଇଁ କାନ୍ଦ ବୋବାଳିରେ ଫାଟି ପଡୁଛି ସାରା ଘର।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
