ବରଗଡ଼ରେ ଜୀବନ ହାରିଲେ ଆଉ ଜଣେ ଚାଷୀ

ବରଗଡ଼: ବରଗଡ଼ ଜିଲ୍ଲା ଆମ୍ବାଭୋନା ବ୍ଲକ୍‌ କର୍ଲାର ଜଣେ ଚାଷୀ ଆତ୍ମହତ୍ୟା  କରିଥିବା ଅଭିଯୋଗ ହୋଇଛି। ତାଙ୍କ ନାଁ ଅର୍ଜୁନ ସତନାମୀ। ଫସଲରେ ଚକଡ଼ା ପୋକ ଲାଗିବା ଓ ଋଣଭାର ଚିନ୍ତାରେ ଗତକାଲି ସେ ବିଷ ପିଇ ଦେଇଥିଲେ। ତାଙ୍କୁ ଗୁରୁତର ଅବସ୍ଥାରେ ବରଗଡ଼ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଆଜି ସକାଳେ ଚିକିତ୍ସାଧୀନ ଅବସ୍ଥାରେ ଅର୍ଜୁନଙ୍କର ମୃତ୍ୟୁ ଘଟିଛି।

ସେ ୫ଏକର ଜମିରେ ଧାନ ଚାଷ କରିଥିଲେ। ଏଥିପାଇଁ ଲକ୍ଷ୍ମଣପୁର ସୋସାଇଟିରୁ ସେ ୬୦ହଜାର ଟଙ୍କା ଋଣ ଆଣିଥିଲେ ବୋଲି ଜଣାପଡ଼ିଛି।

ସୂଚନାଯୋଗ୍ୟ,୫ ଦିନ ତଳେ  ଯାଜପୁର ଜିଲ୍ଲା ବୀରସୁନ୍ଦରପୁରର ଚାଷୀ ସୁରେଶ ସାହୁ ଆତ୍ମହତ୍ୟା କରିଥିବା ଅଭିଯୋଗ ହୋଇଥିଲା। ଫସଲ ନଷ୍ଟ ଓ ଋଣ ଭାର ଚିନ୍ତାର ସେ ଆତ୍ମହତ୍ୟା କରିଥିବା ତାଙ୍କ ପରିବାର ଲୋକେ ଅଭିଯୋଗ କରିଥିଲେ।