ଭବାନୀପାଟଣା: କଳାହାଣ୍ଡି ଜିଲ୍ଲା ଜାରିଙ୍ଗ ସ୍ଥିତ ସର୍ଦ୍ଦାର ରାଜା ମେଡ଼ିକାଲ୍ କଲେଜରେ ଆବଶ୍ୟକ ଭିତ୍ତିଭୂମି ପୂରଣ ଏବଂ ଖାଲିଥିବା ଅଧ୍ୟକ୍ଷ ଓ ଅଧ୍ୟାପକ ପଦବୀ ପୂରଣ ଦାବି ନେଇ ଜାରି ରହିଥିବା ଛାତ୍ରଛାତ୍ରୀଙ୍କ ଆନ୍ଦୋଳନ ଷଷ୍ଠ ଦିନରେ ପହଞ୍ଚିଛି। ଛାତ୍ରଛାତ୍ରୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣାରେ ବସିଛନ୍ତି। ଗତକାଲି ଏହି ଆନ୍ଦୋଳନରେ ବିଜେପି, କଂଗ୍ରେସ, ଜିଲ୍ଲା ଓକିଲ ସଂଘ, ବଣିକ ସଂଘ ଏବଂ କଳାହାଣ୍ଡି କ୍ରିୟାନୁଷ୍ଠାନ କମିଟିର ସଦସ୍ୟ ମାନେ ସାମିଲ ହୋଇ ଆନ୍ଦୋଳନକୁ ସମର୍ଥନ ନେଇଛନ୍ତି। ୭ଦିନ ଭିତରେ ଦାବି ପୂରଣ ନ ହେଲେ ଜିଲ୍ଲା ବ୍ୟାପି ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି। ଅନ୍ୟପଟେ ମେଡିକାଲ କଲେଜ କ୍ରିୟାନୁଷ୍ଠାନ କମିଟି କହିଛି, ସର୍ଦ୍ଦାର ରାଜା ମେଡିକାଲ କଲେଜକୁ ସରକାରୀ କଲେଜର ମାନ୍ୟତା ଦାବିରେ ଆଗାମୀ ଦିନରେ ଆନ୍ଦୋଳନ କରିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
